web counter
LEXO PA REKLAMA!

SHKARKO APP

App Store
Google Play

E fundit!

x

Rritja e pagave për gjyqtarët, nuk do ndikojë në uljen e korrupsionit

28 Gusht 2016, 08:13, Aktualitet CNA

Reforma në drejtësi parashikon që pagat e gjyqtarëve të shkojnë nga 3 deri në 5 milionë lekë, një rritje e konsiderueshme krahasuar me pagat e tyre aktuale.

Argumenti ishte se një pagë e lartë ul mundësitë dhe tendencën për korrupsion. Por kjo kundërshtohet nga ekonomistët edhe juristët, sipas një shkrimi të Sot.

Për ekonomistët pagat e larta nuk janë një garanci se do të ulin tendencën për korrupsion. Pavarësisht se theksojnë se pagat duhet të jenë dinjitoze për këtë kategori, ata thonë se kjo nuk përbën asnjë garanci për se do të zhduket korrupsioni.

.?Të kesh paga të ulta apo të kesh paga të larta nuk është automatikisht e mundshme që për këtë arsye të kesh korrupsion më të lartë me pagat e ulta dhe korrupsion më të ulët me pagat e larta. Krijimi i këtyre premisave kërkon domosdoshmërisht që të ketë produkt strikt. Vërtet marrin rrisk për ndëshkimin e krimit dhe korrupsionit, por në të njëjtën kohë janë të garantuar sa u takon nevojave normale jetësore?, deklaron specialisti i ekonomisë Zef Preçi.

?Rritja është e justifikueshme nëse do të ketë një produkt të dobishëm shoqëror për të pasur një funksionim më të mirë të sistemit në tërësi. Çka do të thotë të ketë një zbatim më të mirë të ligjit dhe përmirësimit të këtij shërbimi për qytetarët?, thotë Preçi.

Ndërkohë ndryshe mendojnë juristët, të cilët thonë se nuk ka asgjë shqetësuese me faktin që gjyqtarët do të paguhen me paga të larta, pasi kjo është një praktikë që është ndjekur në të gjithë botën më herët.

Ata thonë se praktika e rritjes së pagave në të gjithë botën ka rezultuar me një ulje të korrupsionit dhe shpresojnë që të njëjtin efekt rritja e pagave të ketë edhe në vendin tonë. ?Në të gjitha praktikat ndërkombëtare rezulton se një pagë e lartë, e cila siguron një jetesë normale ul tendencën abuzuese dhe korruptive. Vendet e zhvilluara e kanë bërë këtë shumë kohë më parë dhe ka rezultuar efektive, ndaj nuk mendoj se ka ndonjë problem?, thotë Sokol Hazizaj. Në të njëjtën linjë me të është edhe Genc Gjokutaj, i cili thekson se rritja e pagave për këtë kategori ka qenë një rekomandim i vazhdueshëm për Shqipërinë si një mënyrë për të luftuar korrupsionin. ?Ka pasur vazhdimisht rekomandime për rritjen e pagave nga partnerët, ndaj është më se normale?, thotë ai.   /Citynews.al





Lajmet e fundit nga