E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Tre vite Qeveri Rama shqiptarët klandestinë edhe në Rumani!

27 Gusht 2016, 19:13, Aktualitet CNA

Mediat e huaja kohët e fundit kanë bërë jehonë për një sërë ?rekordesh? turpi dhe halli të shqiptarëve. Këtu mund të përmendim faktin e pasqyruar gjerësisht nga mediat angleze për vendin e parë, që zënë në Angli prostitutat shqiptare, që i largohen rrugës së prostitucionit. Sipas burimeve serioze të Ushtrisë së Shpëtimit vajzat shqiptare zinin vendin e parë, të dytin e kishin nigerianet, ndërsa të tretin polaket. Pas këtij ?rekordi? turpi kemi edhe ?rekorde? halli. Në Hollandë shqiptarët e ardhur nga një vend në rilindje e sipër në gjashtëmujorin e parë të vitit 2016 zunë vendin e parë për numrin e azilkëkërkuesve duke ia kaluar edhe sirianëve, që vinë nga një vend në luftë civile edhe afganëve, që vinë nga një vend të përgjakur nga talibanët. Në gjashtëmujorin e parë të vitit 2016 shqiptarët zunë vendin e parë në Gjermani për refuzim të kërkesës për azil. Klima arktike me dimër të gjatë e të ashpër e Islandës nuk i ka dekurajuar shqiptarët të shkojnë e të kërkojnë azil edhe në këtë ishull të vogël duke zënë si zakonisht vendnin e parë si azilkërkues.

Edhe në Rumani!?

Mediat rumune duke filluar nga janari 2016 kanë raportuar për shqiptarë të kapur nga policia kufitare rumune, ndërsa përpiqeshin të hynin ilegalisht në Rumani. Imagjinoni 26 vite pas vendosjes së pluralizmit në Shqipëri, në një qeveri, që ka premtuar ta rilindë Shqipërinë shqiptarët e mjerë janë të detyruar të hynë klandestinë: Ku vallë? Në Rumani!!!

Sic njoftojnë mediat rumune në 14 e 30 të 21 gushtit policia kufitare rumune kapi dy shqiptarë, që po përpiqeshin të hynin ilegalisht në Rumani jo larg PKKK së Moravitas. Shqiptarët e moshës 29 dhe 33 vjec u kapën 400 metra brenda kufirit rumun, ndërsa hynë nga Serbia (Sic!). Imagjinoni shqiptarët shkojnë në Serbi për të hyrë ilegalisht në Rumani. Për më shumë mund të konsultohet edhe linku, në të cilin është edhe një video e makinës së dy shqiptarëve, kur interceptohet nga policia rumune: http://ëëë.banatulazi.ro/de-cand-a-spus-victor-ponta-ca-i-de-origine-albaneza-tot-mai-multi-albanezi-ilegali-la-frontiera-de-vest/

Ky është me të vërtet kulmi! Rasti i mësipërm gjithsesi nuk është përjashtim, por rregull. Në 12 prill 2016 policia kufitare rumune përsëri në Distriktin e Timishuarës kapi 5 emigrantë ilegalë shqiptarë, që vinin po nga Serbia(Sic!). Në këtë rast edhe ?kallauzi? i tyre ishte malazezi me precedent penalë Vuko Markovic. Për më shumë mund të lexoni në linkun: http://ëëë.opiniatimisoarei.ro/intalnire-ratata-la-frontiera-cu-timisul-cat-ghinion-au-putut-avea-o-calauza-si-un-grup-de-migranti/12/04/2016. Në mars 2016 policia rumune kapi 2 shqiptarë, që me makinën e tyre Renault Clio kishin hyrë ilegalisht nga Bullgaria në Rumani duke udhëtuar nëpër një rrugë fshati të paasfaltuar, duke ju shmangur kështu pikës së kontroll-kalimit të kufirit. Në foto duken qartë që kemi të bëjmë me dy të rinj shqiptarë, të cilëve iu është sosur durimi dhe në vend të presin sa të rilindë Shqipëria shkojnë emigrantë ilegalë në Rumani!!!! Vetëm në gjashtëmujorin e parë të 2016 policia rumune ka kapur 48 klandestinë shqiptarë, kryesisht në kufirin rumuno-serb, por në ndonjë rast edhe në kufirin rumuno-bullgar. I vetmi lajm i mirë për shqiptarët e vobektë vjen nga Suedia, por trajtimi i një lajmi të tillë ia vlen një artikull më vete./Shkruar per CityNews-GJERGJ THANASI