E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Karloqa, fytyra e së vërtetës së Karloqit/Nga Elvi FUNDO

27 Gusht 2016, 18:25, Aktualitet CNA

Zonja Karloqë pyet se sa të besueshme janë të vërtetat e zotit Karloq Bolla, dhe të sajat kur ato i thotë një njeri që ka qenë këshilltar për mediat i një ministri. Unë kam qenë për katër vjet këshilltar për mediat në Ministrinë e Financave, por nga tetë vjet që PD ka qenë në pushtet, në periudhën 2005-2013, kam qenë gazetar, për katër vjet kam qenë zyrtar në një punë që ka lidhje me gazetarinë. Më rastisi që të isha në këtë detyrë zyrtare kur Karloqi dorëzoi mbretërinë e tij mediatike, të cilën e kishte lënë si kolateral për një kredi bankare me miliona euro që e kishte marrë në një bankë të cilën mediat e majta e përflisnin si banka e familjes Berisha. Karloqi, i pangopur si Bolla kur gjen një kusi të madhe me qumësht, kishte marrë një kredi të madhe të cilën nuk e shlyente dot, dhe tani detyrohej sipas rregullave të sistemit bankar të dorëzonte objektet e vendosura si kolateral, të cilët i kishte marrë nga një qeveri e majtë, me koncesion, në një ndërmarrje publike.

Në atë kohë unë desha të di më shumë për këtë çështje, i shtyrë edhe nga kurioziteti si gazetar, por kur nisa të rrëmoja nëpër shkresa, partia ime në pushtet nuk e priti mirë këtë, dhe nga diku më lart erdhi sinjali: Ta lerë Fundoja atë që po bën, se i dimë ne këto punë.

Kur PD ishte herën e parë në pushtet, në 1992-97, unë isha gjimnazist dhe student. Pasi u diplomova, punova si gazetar, por jo si zonja Karloqë, që ndante një mjedis me selinë e SHIK të Gazidedes në Tiranë.

Çifti Karloq dhe Karloqa Bolla janë që prej njëzet e ca vitesh këshilltarë të përjetshëm drejtorëve të SHIKiSHISH, këshilltarë të përjetshëm të kryeministrave, janë gazetarë të shndërruar në biznesmenë.

Cili gazetar i huaj do të merrte përsipër që të shkruante një libër ku të bënte avokatin e kryeministrit Rama që donte të pranonte armët kimike siriane në Shqipëri dhe të kritikonte ata që e kundërshtuan këtë gjë? Këtë gjë mund ta merrte përsipër vetëm Karloq Bolla.

Si mund të bëjnë moral profesional Karloqi dhe Karloqa kur kryetar i bashkisë së Tiranës merr në telefon bizneset dhe iu kërkon në formë shantazhi që t? i caktojnë një buxhet mujor Karloqit. Nënkuptohet se nëse nuk e bëjnë këtë do të kenë pasoja nga shteti.

Bota e gazetarisë ndërkombëtare nuk ka parë një çift të tillë, ku burri është me flokë të gjata si femër, dhe gruaja është me flokë të shkurtra si mashkull, si çifti Bolla, Karloqi dhe Karloqa.

Arsyeja ka të bëjë me një pakt që është bërë në zyrën e Bashkim Gazidedes në selinë e SHIK, në Tiranë, në 1994. Gazidede në përpjekje të dëshpëruara për të rregulluar disi imazhin e çiftit që po sajonte, si burrë dhe grua, i tha Karloqit të priste flokët dhe Karloqës t? i rriste flokët. Ky ishte rasti i vetëm kur Karloqi tregoi pavarësi mendimi, ai i mbrojti me forcë flokët e tij të gjatë, dhe kërkoi që Karloqa të mos i rriste flokët e saj, por t? mbante të shkurtra. Gazidede u dorëzua dhe pranoi mendimin e Karloqit, pa e pyetur për arsyen. Por kuptohej se së paku simbolikisht Karloqi donte që të krijonte imazhin e një çifti gay.(vijon)

Lexoni per me shume:

Si e fejoi SHIK-u i Gazidedes, Karloqin