web counter
LEXO PA REKLAMA!

SHKARKO APP

App Store
Google Play

E fundit!

x

Nga Reila BOZDO/Përse hesht Erion Veliaj?

25 Gusht 2016, 07:55, Aktualitet CNA

Ditë më parë në vendgrumbullimin e plehrave në Sharrë një djalë 17-vjecar gjeti vdekjen nga masakrimi që mjetet e rënda punuese i bënë trupit të tij të njomë në vendin ku ai ishte i punësuar.
Tragjedi për familjen. Dramë për shoqërinë.

Erion Veliaj nuk foli. As si kryetar bashkie, as si ish-ministër i mirëqenies sociale dhe rinisë.

Kompania që menaxhonte punën në vendgrumbullim, në landfill, administrohej nga një personazh i njohur në Peqin si kryetar i Partisë Socialiste. Bashkë me Erionin, kompania është shfaqur muaj më parë duke u mburrur në media për cilësinë e menaxhimit në proceset që mbulonte në vendgrumbullim. Pikërisht ato procese të cilat u ekspozuan në publik si standart i lartë, i morën jetën 17 vjecarit.

Erion Veliaj nuk foli. Edhe pse kjo kompani i shërbente qytetit që menaxhon Erion Veliaj.

Para disa ditësh media publikoi disa fakte të cilat dëshmonin në mënyrë tronditëse se dhjetra të mitur përdoren për punë në vendgrumbullim.

Erion Veliaj nuk foli.

Gazetarja që denoncoi faktet tronditëse u pushua nga puna sepse kreu si rrallëherë në këtë vend misionin e saj për ti shkuar ngjarjeve deri në fund. Prej ditësh media artikulon akuzën se ka qenë Erion Veliaj përmes pushtetit të tij, iniciator i këtij pushimi nga detyra për gazetaren e guximshme.

Erion Veliaj nuk flet. Në heshtje pranon akuzën që i bëhet sepse i provon publikut “pushtetin e mbylljes së gojëve te gazetarëve”.

Sot kemi një tablo të errët: një 17-vjecar që nuk jeton më; një tufë dëshmish për keqpërdorim të të miturve përmes punës të cilat priten të hetohen nga organet përkatëse; një përfaqësues të medias së lirë të pushuar nga puna sepse kreu detyrën në mënyrë të lirë; dhe një kryetar bashkie i zhytur në akuza dhe përgjegjësi, por që nuk flet.

 





Lajmet e fundit nga