web counter
LEXO PA REKLAMA!

SHKARKO APP

App Store
Google Play

Lufta Tahiri-Veliaj për zgjedhjet në PS-në e Tiranës

25 Gusht 2016, 10:41, Aktualitet CNA

Shtatori përcakton për Partinë Socialiste të Tiranës kohën e zgjedhjes së kreut të saj. Kryesia e PS-së do të nisë punën për të zgjedhur kreun e ri partisë. Dy kandidatët në këtë përballje të fortë janë Saimir Tahiri dhe Erion Veliaj. Kreu i PS-së së Tiranës është një pozicion kyç në PS pasi personi që do të jetë në post do të ketë marrëdhënie të veçanta me kryeministrin.

Ndryshe nga sa është thënë më herët se do të ketë kryetarë vetëm në 11 njësitë administrative të kryeqytetit kryeministri Edi Rama ka vendosur të mos e shkrijë degën e madhe të PS-së së kryeqytetit, sipas gazetës Sot. Nga ana tjetër kryeministri kërkon t?ia besojë këtë detyrë një njeriu besnik dhe të aftë që menaxhojë si duhet situatën e zgjedhjeve parlamentare të 2017.

Kjo ka qenë edhe arsyeja pse kreu i PS-së Rama e la për në fund Tiranën, ndërkohë që në të gjithë vendin janë zgjedhur tashmë krerët e rinj të degëve të PS-së.

Mobilizimi i strukturave të Tiranës për zgjedhjet parlamentare të 2017 është edhe testi përballë të cilit, kreu i ri PS-së për kryeqytetin duhet të jetë i aftë të kalojë suksesshëm.

Të dy pretendentët aktual për kreun e PS-së janë njerëz të besuar të numrit një të partisë, por me shumë gjasë kreu i PS-së do të kandidojë njërin prej tyre.

Tahiri dhe Veliaj kanë ambicje që përmes këtij posti që synojnë, kreun e PS-së Tiranë, të kapin më pas kreun e PS-së së madhe. Zëra ka patur për shanse më të mëdha të Veliajt, pasi sipas një gazete të huaj ai hapi kongresin dhe shihet si personi kryeministër në të ardhmen, ndërsa Rama si kryetar i PS-së. /Citynews.al





06:41 Aktualitet

Triotol autobuzit

Nje autobuzi ne kryeqytet i eshte vendosur lende plasese. Po...

Lajmet e fundit nga