web counter
LEXO PA REKLAMA!

SHKARKO APP

App Store
Google Play

Këshilli i Sigurimit shqyrton sot raportin për Kosovën

25 Gusht 2016, 06:37, Aktualitet CNA

Këshilli i Sigurimit të Kombeve të Bashkuara, sot pritet të mbajë konferencën e tij tremujore për Kosovën.

Përfaqësuesi special i Sekretarit të Përgjithshëm, njëherësh kreu i misionit të përkohshëm të Kombeve të Bashkuara në Kosovën (UNMIK), do të informojë për zhvillimet e fundit në vend dhe të gjeturat e fundit të raportit të Sekretarit të Përgjithshëm.

Në raport të Këshillit thuhet se tensionet politike mes pozitës dhe opozitës, në Kosovë, po vazhdojnë edhe më tej, gjë që po pengon funksionimin normal të institucioneve.

Po ashtu, në raport përmenden edhe seancat e tensionuara të Kuvendit të Kosovës, dhe bojkotet që po i bëjnë këtij të fundit partitë opozitare.

Në faqen zyrtare të këtij Këshilli, thuhet se ekziston mundësia që Serbia të marrë pjesë në nivel të lartë, ndërsa Kosova ka mundësi të prezantohet nga ambasadorja në Shtetet e Bashkuara të Amerikës, Vlora Çitaku.

Në këtë raport të Këshillit, rëndësi e veçantë u është kushtuar bisedimeve mes Kosovës dhe Serbinë, ku janë kritikuar moszbatimet e marrëveshjeve të arritura në Bruksel.

Një ndër çështjet më të theksuara të raportit ka të bëjë me marrëveshjen e demarkacionit me Malin e Zi, të cilën malazezët e kanë ratifikuar, ndërsa Kuvendi i Kosovës akoma nuk ka dhënë miratimin.

Në raport është përmendur edhe debati për demarkacionin i datës i 3 gusht, në të cilën rëndësi e veçantë i është kushtuar pjesëmarrjes së opozitës.

Është përmendur paralajmërimi nga përfaqësuesja e lartë e BE-së për Politikë të Jashtme dhe Siguri, Federica Mogherini, e cila i bëri thirrje vendit të ratifikojë marrëveshjen e demarkacionit, pasi është një nga kushtet kryesore për liberalizimin e vizave.

Nga Këshilli, nuk kanë lënë pa përmendur as asociacionin e komunave serbe, të cilën raportohet të vazhdojë edhe më tej ta kundërshtojë opozita. /Citynews.al





19:49 Aktualitet

SHBA ndalon dronet

Shtetet e Bashkuara të Amerikës kanë bllokuar me ligj përdor...

Lajmet e fundit nga