Grida Duma: Pse heshtin mediat për vrasjen e Sharrës?

25 Gusht 2016, 10:03, Aktualitet CNA

Partia Demokratike është e vendosur të kërkojë drejtësi për humbjen e jetës së 17 vjeçarit Ardit Gjoklaj që humbi jetën në landfillin e Sharrës. Në një deklaratë të Sekretares së Marrëdhënieve me Publikun, Grida Duma thuhet se përgjegjësi kryesor për humbjen e jetës së të riut është kryetari i bashkisë së Tiranës, Erion Veliaj. ?Pse Erjon Veliaj qëndron mbi ligjin? Pse hesht e nuk ka thënë asnjë fjalë prej 2 javësh për ngjarjen e rëndë? Pse i bën mediat të heshtin, dhe mediat kombëtare madje që hiqen si të pavarura? Partia Demokratike do të kërkojë deri në fund drejtësi për Arditin dhe drejtësi për Arditin do të ketë, sado të përpiqet Erjon Veliaj ta mbyllë këtë krim?, deklaroi Duma në deklaratën për shtyp.

Sekretarja e Marrëdhënieve me Publikun, Grida Duma tha në deklaratën e saj se Veliaj i ftoi qytetarët vetë të punojnë në landfillin e Sharrës duke i ofruar një mashtrim të madh.

?Dëgjojeni pak thirrjen publike të këtij që sot hesht, censuron mediat e që po bllokon zbardhjen e të vërtetës për aferën e madhe kriminale e korruptive të landfillit të Sharrës.

?Dua t?u bëj thirrje të gjithë atyre që sot e sigurojnë jetesën e tyre, duke ndërhyrë në koshat e bashkisë, që ta lënë atë punë të paligjshme, për të punësuar edhe 200 punonjës të tjerë, për ta çuar në 400. Ne mund të punësojmë pa fund njerëz që realisht duan të punojnë?.

Këtë thirrje ka bërë Erjon Veliaj me 16 mars të këtij viti. Pra lini punën e paligjshme dhe hajdeni në landfillin e Sharrës. Ardit Gjoklaj e shumë të tjerë iu përgjigjen kësaj thirrje. Po ajo çfarë gjetën atje, ishte një mashtrim i madh i Erjon Veliajt?, tha Duma.

Paligjshmëria sipas Partisë Demokratike u zbardh me vdekjen e 17 vjeçarit, për të cilën hetuan gazetarët dhe për të sipas demokratëve është përgjegjës direkt Erion Veliaj.

?Vdekja e Arditit, dhe investigimi më tej nga disa media tregoi se Lanfilli i Veliajt dhe partnerit të tij, kryetarit socialist të Peqinit, që nuk i dorëzohet drejtësisë, ishte një ferr paligjshmërie.

Të mitur, burra e gra që punonin të pasiguruar. Shfrytëzoheshin deri fëmijë 10 vjeç.

Shfrytëzoheshin me tre turne, në atë punë të rëndë e sfilitëse, për fare pak lekë.

Me këtë thirrje publike, Erjon Veliaj e çoi drejt vdekjes Arditin. Ai është padyshim përgjegjësi kryesor, jo vetëm se administron landfillin që është biznesi i tij, por sepse i garantoi publikisht njerëzit për ligjshmëri. Me fjalën e tij shkuan të punonin hallexhinjtë, që u kthyen në skllevër.

?Çfarë pret prokuroria të marrë në ndjekje penale Erjon Veliajn??, theksoi Sekretares së Marrëdhënieve me Publikun, Grida Duma. /Citynews.al