E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Takimi i 3 Ramëve për zgjedhjet në Dibër...

23 Gusht 2016, 17:04, Aktualitet CNA

Kryeministri Edi Rama prezantoi gjatë një takimi në Dibër kandidatin e ASHE-së për kryebashkiak Muharrem Rama, i cili garon përballë Sherefedin Shehut të mbështetur nga PD dhe 12 subjekte politike të opozitës. E vecanta e takimit të ASHE në Dibër mund të konsiderohet ajo që dy Rama nga Tirana, njëri i PS-së dhe tjetri i LSI-së, shkuan për të prezantuar një tjetër Ramë, që kandidon për Kryebashkiak. Me pak fjalë, në takim foli Rama Kryeministër, Rama i LSI-së dhe Rama kandidati, cka mund të cilësohet ndryshe edhe takimi i 3 Ramëve.

Ky është takimi i parë që Rama Kryeminister zhvillon me qytetarët në Dibër që prej skandalit ku u përfshi ish-Kryebashkiaku socialist, Shukri Xhelili, i cili u shkarkua pas një video-skandali, ku për një vend pune kërkoi favore seksuale.

Rama iu drejtua qytetarëve të Dibrës duke kërkuar mbështetjen për Muharrem Ramën, ndërsa theksoi se Didra kishte një kandidat që nuk e donte këtë qytet, por shikonte vetëm punët e tij. Rama nuk kërkoi ndjesë për Shukri Xhelilin, por u mjaftua vetëm me faktin që kandidati i tij nuk donte qytetin.

Duke i qëndruar premtimit të Rrugës së Arbërit , Rama i PS tha se nuk do të dalë nga zyra e kryeministrit pa ndërtuar këtë rrugë. ?Përsa i përket Rrugës së Arbërit, Rama tjetër tha një fjalë të vertëetë. Unë e kam premtuar, por akoma nuk mund të thoni që nuk e kam bërë. Unë kam barrën që të bëj të gjitha gjerat që do koalicioni. Unë po ju them që nuk do të largohem nga zyra e kryeministrit pa bërë Rrugën e Arbërit?, tha Rama.

Duke vlerësuar kandidatin e djathtë, Sherefedin Shehu si një njeri të mirë, ai tha se Dibra nuk duhet të zgjedhë një person që është në prag të pensionit, por duhet të votojë Muharrem Ramën.

?Keni dëgjuar që ne në këtë garë mund të ishim më pak, por në fakt jemi më shumë. Më bëri përshtypje dikush që më përshëndeti me dy gishta. i thashë faleminderit sepse këtu nuk është vetëm PS, LSI, PDIU por janë edhe demokratët e ardhur për të mbështetur Ramën e duhur për Dibrën. i ftoj edhe nga këtu të gjithë ata simpatizantë të PD, mbështetës dhe votues të PD që mes një burri të mirë, por të lodhur dhe që është momenti të dalë në pension dhe një kandiadati që është këtu të gjithë të zgjedhë Muharrem Ramën?, theksoi Rama.

I pranishëm në këtë takim, Sekretari i Përgjithshëm i LSI, Luan Rama konfirmoi funksionimin e Aleancës për Shqipërinë Europiane. Rama, deputeti i LSI tha se ky kualicion do të vazhdojë deri në përmbushjen e misionit që është ai i integrimit të Shqipërisë.

?ASHE është funksionale dhe do të jetë funksionale deri sa të përmushet misioni i integrimit të Shqipërisë. Dimë të reflektojmë dhe të korrigjojmë gabimet në të mirë të Shqipërisë. Këto votime janë një moment reflektimi me shumë përgjegjësi për të zgjedhur me mendje dhe me zemër. Le të votojmë Muharrem Ramën për të fituar Dibrën dhe të nesërmen e saj?, tha Rama i LSI.

Rama i bëri edhe një thirrje Ramës Kryeministër që të mbajë premtimin dhe të ndërtojë Rrugën e Arbërit.

?I bashkohem zërit të dibranëve, zoti kryeministër ndërtoje Rrugën e Arbërit sepse është një nder që e meriton Dibra, sepse është një detyrim që e kemi ndaj Dibrës. Në 25 vjet kemi premtuar për rrugën e Arbërit, por nuk kemi bërë gjë?, theksoi Rama i LSI.

/citynews/