E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kokëdhima kundër Ramës, në shërbim të Veliajt

22 Gusht 2016, 08:52, Aktualitet CNA

Koço Kokëdhima, ish-deputeti socialist që tashmë qëndron në krah të Ilir Metës, duket se po shfrytëzon edhe një mundësi për t?iu bashkuar Partisë Socialiste, por jo me Edi Ramën. Dhe duket se komardarja e shpëtimit për të është Kryebashkiaku i Tiranës Erjon Veliaj, që konsiderohet si pasardhës i Edi Ramës në krye të PS-së.

Kokëdhima nisi sulmet ndaj Ramës në momentin që humbi mandatin e deputetit pas vendimit të Gjykatës Kushtetuese, ku qartazi u duk se ai u tradhëtua në betejën për ta mbrojtur, sikundër ndodhi me të tjerë ligjvënës socialistë, si Rakip Suli apo Valentina Leskaj, që akuzoheshin nga opozita njëlloj sikundër Kokëdhima, për përfitime fondesh publike pas marrjes së mandatit të deputetit.

Fillimisht Kokëdhima zhvendosi miqësinë e tij nga Edi Rama tek Ilir Meta, me të cilin për disa javë rradhazi nuk rreshti takimet në një përpjekje për rrëzimin e Qeverisë, edhe pse në fund llogaritë e votave nuk favorizonin ?çiftin e ri politik? Meta-Kokëdhima.

Por duket se në betejën me Ramën, ish-deputeti i PS-së ka mbajtur të hapur një mundësi rikthimi në PS, edhe pse koha se kur mund të ndodhë ky proçes nuk dihet.

Ditët e fundit, Kokëdhima duket se nuk kurseu një prej drejtuesve të mediave të tij, duke e larguar nga detyra, për një fakt të thjeshtë sikundër thuhet: investigimin e vrasjes së 17 vjeçarit në landfillin e Sharrës, ku kjo media kishte mbledhur dëshmi që implikonin edhe Kryebashkiakun e Tiranës në ngjarjen e rëndë.

Në këtë mënyrë, Kokëdhima kurseu Veliajn duke i shërbyer në një moment dhe duke e kursyer nga sulmet politike ose jo që mund të nisnin mbi të. Ish-deputeti socialist duket se shfrytëzoi këtë moment për të pasur një mundësi ofrimi me PS-në, pikërisht duke mbrojtur Kryebashkiakun.

Në këtë mënyrë duket se ai nuk mund të humbiste rastin që pas humbjes së Qeverisë, për shkak të prishjes së raporteve me Ramën, të humbiste edhe Bashkinë e Tiranës. Në këtë mënyrë, Veliaj duket se u kthye në një komardare shpëtimi për Kokëdhimën.

Ndoshta do të përsëritet i njëjti skenar si në rastin e Arben Malajt, i cili nga një kundërshtar i Ramës, u morr këshilltar i Veliajt, dhe më pas u votua si një nga anëtarët e Këshillit Mbikqyrës së Bankës së Shqipërisë.

Tashmë duket se rolin e malajt mund ta marrë Kokëdhima, i cili do të shpresojë deri në fund për të qenë pjesë e PS-së.

Pak ditë më pas ish-deputeti deklaroi se do të jetë deputet në legjislaturën e ardhshme, do të kthehet në politikë edhe më fuqishëm, por mbetet për t?u parë nëse kjo vendosmëri e Kokëdhimës do të realizohet përmes PS-së apo ndonjë aleati të saj. /citynews/