E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kandidati Shukri dy zbardh enigmat e fushatës/ Faktet dhe e vërteta që nuk fshihet dot

22 Gusht 2016, 07:48, Aktualitet CNA

Zgjedhjet në Dibër pritet të jenë beteja e rradhës mes palëve politike. Përtej një beteje elektorale për bashkinë, pritet të jetë edhe një ?luftë? intrigash, blerje votash e tradhëtish elektorale.

Këto të gjitha ngelen ende për tu parë, por ajo që ishte enigma e parë e kësaj fushatë u zbardh menjëherë.

Do ishte një fushatë ndese dhe moraliste nga kandidati i mazhorancës apo një garë mashtrimesh e presionesh. Ai ishte enigma pasi profile dhe modeli i garës të opozitës dihej ende pa filluar.

Top-Channel dje dha kronikën e fushatës të Muharrem Ramës kandidatit pasardhës të Shukri Xhelilit në Dibër. Fraza ishte e tillë, ? Sa të fitojmë do bëjmë bashkë projektet, dera e bashkisë do jetë hapur bashkë me derën e spitalit?.

Këto tha Shukriu i dytë në fjalët e tij. Po i themi Shukriu i dytë, pasi ai vërtet duket të jetë i tillë. Muharrëm Rama, në asnjë rast dhe në asnjë moment të ketyre ditëve që nga momenti kur startoi gara nuk ka kërkuar ndjesë për Shukri Xhelilin dhe aktin e tij pervers dhe fyes për Dibrën dhe shqiptarët.

Rama të paktën duhet të kërkonte ndjesë e para si kryetar i PS-së në Dibër, e dyta për kostot që paguajnë taksapaguesit me zhvillimin e këtyre zgjedhjeve ër një brekë grisur, dhe së fundi me ndjesën ai duhej të distancohej nga akti pervers i Shukri Xhelilit, i cili u filmua duke kërkuar mardhënie seksuale me një vajzë ne këmbim të vendit të punës.

Muharrem Rama, jo vetëm nuk ka kërkuar ndjesë, por kërkon të kalojë në heshtje skandalin që shkarkoi nga detyra Shukri Xhelilin. Heshtje e cila vjen për faktin se kandidati i Rilindjes do me cdo kusht edhe votat e ish-kryebashkiakut që doli në media me brekë të grisura dhe sot ndodhet në qeli.

Rama do votat e Shukrinjve që vijnë vërdallë e bëjnë moral, pa kërkuar ndjesë për skandalin që ndodhi në Dibër.

Së dyti Muharrem Rama, gënju banorët e zonës ku ishtë për takim. Ai tha se do mbante hapur edhe bashkinë edhe derën e spitalit. Kryetar bashkie part-time, besojnë shqiptarët por edhe dibranët ne vecanti s?ka nevojë askush. Në një bashki me plot halle si Dibra të jesh me kohë të pjeshme në punë do të thotë mos bësh asnjë punë. Rama nuk mund të jetë në dy vende njëkohësisht.

Ai gënjeu kur foli për spitalin, pasi ai nuk mund të hapë asnjë derë në spital edhe sikur të bëhet kryebashkiak i Dibrës. Kjo për faktin se kryetari i bashkisë nuk ka as më të voglën kompetencë për spitalin, për më tepër po dorëzoi bluzën e bardhë roja mund ta ndalë që tek dera kryesore.

Ai gënjeu kur foli për spitalin sepse si në rastin e Shukriut, ai nuk foli për gjendjen skandaloze ku ndodhet spitali i Peshkopisë. Rilindja mbushi vitin e trete të pushtetit dhe gjendja e spitalit eshte me skandaloze se kurrë që fillon me mungesëne ilace dhe përfundon me bakshishet për ndonjë kirug me ambice politike. Për këtë përgjegjës është jo vetëm si doktor, por edhe si kryetar i PS dhe përfaqësues politik në Dibër.

Më tej, ai tha një të vërtetë, ndoshta i vetmi moment i sinqertë. Mungesën e projektit për Dibrën që do e fillonte ta bënte gati kur të fitonte zgjedhjet. Ky ndoshta është momenti më i sinqertë i kirugut i cili kujton se bashkia qeveriset nga autobuzi i Rilindjes, thjesht me bisturi në dorë.

Këto janë disa fakte që dilnin qartë nga takimi Muharrem Ramës i cili zbardhi enigmën e fushatës të tij duke u bashkuar me Shukriun dhe breket e tij të grisura, zbardhi enigmën duke gënjyer për spitalin dhe duke mos folur për gjendjen e tij, duke mos kërkuar ndjesë për shukrizimin, por tha një të vërtetë të madhe që s?ja kishte hic haberin dhe nuk kishte asnjë projekt për Dibrën.

Mungesa e këtyre ndjesave mimimale, qëndrimi me gënjeshtra, apo reflektimit përpara opinionit publik tregon qartë se Rama është një Shukri i dytë, por që ende nuk i kanë dalë brekët në ekran. Thjesht dhe asgjë më shumë se kaq. Pas këtij shkrimi ndoshta mund edhe të kërkojë ndjesë por tani ajo s?ka më asnjë vlerë. Për të qenë më i vërtetë dhe i ndershëm më dibranët, më mirë ta marë në krah Shukriun, nëse do e nxjerin me leje nga burgu për ti ardhur në ndihmë për zgjedhjet e 11 shtatorit. Kjo do ishte edhe më e ndershme./citynews/