E fundit!

10:40 Aktualitet

Vrasja e efektivit/ Mbahen homazhet në nder të tij

Këtë të premte po mbahen homazhet në Korçë në nderim të ef...

Nga Kastriot MYFTARAJ/SPAK një forcë speciale represive

20 Gusht 2016, 18:36, Aktualitet CNA

Pakoja ligjore për reformën në drejtësi, e miratuar, jo thjesht nën ndikimin, por me pjesëmarrjen e drejtpërdrejtë zyrtare të një qytetari privat amerikan, që ka shkuar në SHBA si emigrant, z. Soros, përmban një dispozitë e cila i dënon me 3 deri 6 vite burg qytetarët shqiptarë, gazetarët shqiptarë, kur ushtrojnë atë që quhet presion i papërshtatshëm me anë të medias ndaj prokurorëve dhe gjyqtarëve.
Qëllimisht, në stil sorosian, nuk saktësohet se çfarë quhet ?presion i papërshtatshëm? në kuptim të këtij ligji. Kjo është bërë që të nxitet vetëcensura.
Me logjikën e Nenit 13 të Ligjit për SPAK (Struktura e Posaçme Antikorrupsion) a nuk duhet që me ndryshimet që iu bënë Kushtetutës me rastin e reformës në drejtësi, të shtohej dhe një dispozitë në Kushtetutën e Shqipërisë ku të ndalohej ndikimi i interesave të huaja private në procesin e ligjbërjes dhe të institucioneve ligjzbatuese në Shqipëri?
George Soros është vetëm një qytetar privat amerikan, nji biznismen amerikan i cili si interes parësor ka që të nxjerrë fitime me anë të spekulimeve në tregjet financiare botërore, dhe për këtë qëllim nxit destabilitetin financiar gjithandej botës. Këtë gjë e ka bërë edhe në Shqipëri. Për këtë ka prova të dokumentuara. A mund të ketë një njeri i tillë interes për stabilitetin ligjor të një vendi?
Dispozita ligjore si neni 13 i Ligjit për SPAK i japin SPAK statusin e Gestapos, KGB, Sigurimit të Shtetit, për të cilat media në vendet përkatëse nuk mund të shkruante asnjë lloj kritike. Gestapo, KGB, Sigurimi i Shtetit kishin nevojë për këtë status se ekzistonin dhe funksiononin kundër popullit, shoqërisë në vendin e tyre, jo për mbrojtjen e tyre. Gestapo, KGB, Sigurimi i Shtetit ekzistonin për të mbrojtur regjimin në fuqi nga populli, shoqëria e vendit ku ekzistonte regjimi.
Përse ka nevojë SPAK për një dispozitë të tillë si neni 13 që të punojë? Arsyeja është e thjeshtë. SPAK do të jetë një forcë speciale represive, e kontrolluar nga ndërkombëtarët që kanë privilegjin e Veting-ut, dhe të cilët do ta përdorin atë për të mbështetur regjimin politik që iu intereson në Shqipëri, kundër qytetarëve të vendit, kundër shoqërisë. E gjithë kjo në emër të parimit të stabilitetit minimal të vendit, prej të cilit rrjedhin parimet e tjerë, si ai i kontrollit minimal të vendit nga shteti, i përgjegjësisë minimale të shtetit për shoqërinë, dhe tekefundit i minimumit të shtetit ligjor, përkatësisht drejtësisë minimale.
Ata që krijuan SPAK e dinë se Shqipëria është një vend i vogël, ku në një nivel të caktuar të shoqërisë funksionon parimi: Të gjithë i njohin të gjithë!
Kështu që shpejt do të bëhet e njohur se cilët janë këta prokurorët e SPAK apo zyrtarët e Byrosë Kombëtare të Hetimeve. Në media do të dalë e shkuara e tyre, bizniset, prejardhja, dashnoret, deri edhe bëmat e grave të tyre, siç po marrim mësim nga Amerika ku me rastin e fushatës presidenciale po dalin edhe bëmat e Zonjës Trump.
Të huajt duan t? i ruajnë të përzgjedhurit e tyre nga një situatë e tillë. Të huajt duan që të gjitha informacionet e llojit të mësipërm, të mblidhen, arkivohen dhe të përdoren ndaj njerëzve të SPAK dhe të Byrosë Kombëtare të Hetimeve nga vetë ndërkombëtarët, për t? i pasur nën kontroll ata.