web counter
LEXO PA REKLAMA!

SHKARKO APP

App Store
Google Play

Mustafa: Dështimi i demarkacionit do të ishte izolim për Kosovën/Miratimi do të thotë liberalizim vizash

20 Gusht 2016, 06:15, Aktualitet CNA

Kryeministri i Kosovës Isa Mustafa ka besim se edhe opozita në Kuvendin e Kosovës do të mbështesë miratimin e marrëveshjes së demarkacionit pasi e kundërta do të përkthehej në izolim.

?Nuk pres të dështojmë. Dështimi do të ishte izolim i Kosovës. Vendi jonë asnjëherë të votoj kundër vullnetit të SHBA-së. Çdonjëri do të ulet dhe të mendojë që këto veprime nuk qojnë askund sepse nëse votohet kundër demarkacionit do të ishte fatale?, tha Mustafa në transmetuesin publik, sipas Koha Ditore.

Kreu i qeverisë Mustafa tha se nga fillimi i qeverisjes së tij është përballur më vështirësi të funksionimit të qeverisë.

?Janë sfidat ditore që paraqitën para nesh dhe duhet një vendimmarrje e vështirë. Është e pakuptimtë që një numër i njerëzve kaq lehtë i kundërshtojnë marrëveshjet. Kjo çështje nuk është e lehtë, sepse ne po i pranojmë kufijtë aty ku kanë qenë dhe këta kufij do të prezantohen edhe në qarqe ndërkombëtare ku Kosova do të njihet përmes këtyre kufijve dhe të jenë kufij ndërkombëtarë, këta janë kufijtë e sovranitetit të vendit?, ka thënë Mustafa.

Ai ka thënë se demarkacioni do të kaloj dhe nuk besojë që do të ketë izolim. Edhe opozita do ta pranojë realitetin dhe nuk do të votojë për izolimin e vendit.
?Me një shtator deri me pesë shtator do të përmbyllet çështja e demarkacionit dhe të gjitha dokumentet dhe faktet do t?i prezantohen BE-së, në mënyrë që të kemi liberalizim vizash?, ka thënë Mustafa duke shtuar se ka njerëz që po thirrën në kauza të rrejshme.

Sipas tij, koha do ta vërtetojë se kjo kauzë ka qenë e rrejshme rreth demarkacionit. /Citynews.al

 





Lajmet e fundit nga