web counter
LEXO PA REKLAMA!

SHKARKO APP

App Store
Google Play

A ka zgjedhur Koço Kokëdhima të pleqërojë në Lalz me Ilir Metën?

19 Gusht 2016, 18:02, Aktualitet CNA

Pak kohë më parë Edi Rama teksa lançonte projektet në zonën e Jugut të vendit, tha se do të pleqëronte me Koço Kokëdhimën në Vuno.

Por pas deklaratës së bërë nga Rama raportet mes tij dhe ish-deputetit socialist pësuan një krisje dhe duket se sot të dy politikanët, dikur miq, kanë ndërprerë çdo kontakt.

Kokëdhima është ofruar me Metën, me të cilin shpeshherë është shfaqur në Gjirin e Lalzit, aty ku Kryetari i Kuvendit, njëherëz edhe i LSI-së, ka një rezidencë private.

Ndoshta Kokëdhima ka zgjedhur të pleqërojë me Metën në Lalz, megjithëse sikundër pohon vetë nuk ka ndërmend të pleqërojë, pasi do të punojë fort deri në momentet e fundit.

Madje Kokëdhima pohon se do të rikthehet fuqishëm në politikë, do të rikandidojë si deputet, megjithëse nuk bën publike forcën politike me të cilën do të përfshihet.

Nëse vijon të mbajë këtë distancë nga Rama dhe këtë ofrim me Metën, duket se Kokëdhima do të jetë kandidati i LSI-së në zgjedhjet e ardhshme në zonën e Jugut të vendit, atje ku ka ngritur edhe strukturat e PS-së, gjatë kohës që cilësohej si ?Kryeministri i Jugut?.

Gjithsesi deri në zgjedhjet e ardhshme parlamentare, Kokëdhima mund të bashkohet sërisht me Ramën, edhe pse gjatë javëve të fundit është përfolur si politikani që ka punuar më fort për rrëzimin e tij, bashkë me Ilir Metën, që paralajmëroi edhe krijimin e një qeverie teknike, por më pas u tërhoq nga kjo ide. /citynews/





Lajmet e fundit nga