web counter
LEXO PA REKLAMA!

SHKARKO APP

App Store
Google Play

E fundit!

x

Inflacioni në Eurozonë kalon në territor pozitiv/Troket rritja edhe për Shqipërinë

19 Gusht 2016, 16:08, Aktualitet CNA

Inflacioni në Eurozonë shkoi në territor pozitiv gjatë muajit korrik, duke rezultuar me një rritje vjetore 0.2 % edhe pse 12 nga 19 vendet antare e kishin këtë tregues negativ, njoftoi EUROSTAT. Kjo tendencë sinjalizon rritjen e çmimeve edhe në Shqipëri, pasi inflacioni i importuar kontribuon në një masë të konsiderueshme inflacionin total.

Në terma mesatare ne tremujorin e dytë të vitit inflacioni i importuar kontribuoi me 0.23 pikë përqindje në formimin e inflacionit total, ndërsa ai i brendshëm, me rreth 0.51 pikë përqindje, lajmëroi banka e Shqipërisë në një analizë të posaçme.

Megjithë rritjen anemike norma vjetore e inflacionit në Eurozonë mbetet më e ulët se, objektivi 2 për qind i Bankës Qendrore Evropiane.

Inflacioni bazë, i cili përjashton komponentët më të paqëndrueshëm (ushqimet e papërpunuara dhe energjia), është rritur me 0.8 për qind në muajin korrik. Treguesi i ngushtë i inflacionit, i cili përjashton (energjinë, ushqimin, alkoolin dhe produktet e duhanit), shënoi 0.9 për qind.

Çmimet e energjisë në Eurozonë ranë ndjeshëm në muajin korrik, me 6.7 për qind, pas një rënie 6.4 për qind qershor. Nga muaji në muaj, ata ishin 1.0 për qind më të ulëta, shkruan Monitor.

Çmimet për shërbimet, komponenti më i madh i ekonomisë së eurozonës, u rriten me 1.2 për qind, por rritja më e madhe ishte për ushqimet, ku ato të papërpunuara pësuan rritje vjetore me 2.9 për qind në korrik, pothuajse dyfishin e qershorit.

Çmimet e frutave ishin 6.4 për qind më i lartë se në korrik të vitit të kaluar dhe perimet 5.6 për qind më të shtrenjta. Një rritje vjetore 1.6 për qind u pa edhe në çmimet e vendosura nga restorantet dhe kafenetë, i cili ishte edhe kontribuuesi më i madh në i inflacionit të zonës euro.





Lajmet e fundit nga