web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi: Neni që vret lirinë e medias nuk ka shans të kalojë/Mazhoranca e gatoi fshehtas opozitës

20 Gusht 2016, 09:00, Aktualitet CNA

Deputeti i Partisë Demokratike Oerd Bylykbashi siguron se neni vrastar i lirisë së medias nuk do të kalojë dhe opozita është e vendosur ta kundërshtojë atë. Bylykbashi deklaron se neni u gatua nga mazhoranca në fshehtësi të plotë dhe pa praninë e demokratëve.

?Opozita dhe media e denoncoi menjëherë. Ai nen nuk kalon! Por këta nuk heqin dorë nga kërcënimi mbi median! Mesa duket, të njëjtin kërcënim e kanë futur tek ligji i Prokurorisë së zakonshme; ligj tjetër ky. Edhe këtë e kanë gatuar të vetëm në komision kur u mblodhën para miratimit të amendamenteve kushtetuese, atëherë kur opozita nuk ishte e pranishme. Si çdo gjë tinzare, edhe kjo është bërë në fshehtësi. Ky nen i ri që vret lirinë e medias nuk ka asnjë shans (as teorik) të kalojë! Opozita do ta kundërshtojë këtë tentativë të re mazhorancës!?, shprehet Bylykbashi.

Sjellje të tilla gjithmonë në gadishmëri për të censuruar lirinë e fjalës së lirë Bylykbashi i paralelizon me kohën e regjimit komunist duke vlerësuar mazhorancën e sotme si pasardhës të komunistëve të 1944.

?Vesi del me shpirtin thonë… Kjo mazhorancë e ka tmerr lirinë e medias, si etërit e 1944 që i frymëzojnë. Para tre ditesh sollen në komision ligjin për Prokurorinë Speciale, të cilin e kishin hartuar në errësirë të plotë, me të cilin media dënohej nëse tentonte të bënte transparencë, duke e quajtur “ndikim të papërshtatshëm”!?, deklaroi Bylykbashi. /Citynews.al





Lajmet e fundit nga