E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

Video/Droga në Itali, organizata kriminale kishte edhe pajisje anti-përgjim

14 Gusht 2016, 11:34, Aktualitet CNA

Organizata kriminale të cilat merren me trafikun e drogës janë mirë të organizuara, madje edhe të pajisura me instrumente për t?i shpëtuar përgjimit të forcave të rendit. Deklarata është bërë nga Prokuroria e Peskarës, e cila po heton mbi veprimtarinë e një organizate, ku bëjnë pjesë edhe 5 shqiptarët e arrestuar ditët e fundit.

Sipas autoriteteve italiane, gjatë operacionit janë sekuestruar instrumente lazer e zhurmues frekuence.

Autoritetet italiane kanë deklaruar se disa nga shtetasit e arrestuar gjatë këtij operacioni, ku përfshihen edhe 5 shqiptarë, janë rezidentë të rregullt prej vitesh në territorin italian, madje dhe sipërmarrës të shoqërive të vogla ndërtimi.

Për Prokurorinë e Peskarës droga e sekuestruar në brigjet e komunës së Fanos nga një gomone që vinte nga Shqipëria është ngarkesa më e madhe me lëndë narkotike e kapur deri më tani në këtë territor.

Sasia prej 1820 kg marijuanë do të vlente në treg nga 6 deri në 18 milionë euro.

Hetimet e këtij operacioni kanë nisur më vitin 2014, pasi në brigjet e këtij territori ashtu si dhe në janar të këtij viti në plazhet e Civitanova Marche, Porto Recanati e Porto Potenza Picena, Marzocca e Senigallia janë gjetur pako marijuanë të dala nga deti për shkak të humbjes së ngarkesës gjatë transportit.

Prej këtij momenti, policia italiane ka mbajtur nën kontroll territorin deri në suksesin e operacionit të mbrëmjes së të premtes.

Autoritetet italiane theksuan se ngarkesa e marijuanës ishte e konfeksionuar në pako të mbyllura hermetikisht me celofan e mbi çdo pako është shënuar një shenjë që korrespondon me emrin e qytetit italian ku do të transportohej më pas.

/citynews/