E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ndryshimet në Qeveri/Rama nuk pranon negocime vetëm për Tahirin

3 Gusht 2016, 06:43, Aktualitet CNA

Kryeministri Edi Rama duket se ka rënë dakort për ndryshimet në Qeveri, por i vetmi post që nuk pranon tënegociohet është ai i ministrit të Brendshëm, që mbahet nga Sajmir Tahiri.

Para reformës në drejtësi, kreu i LSI, Ilir Meta, paralajmëroi qeveri teknike dhe zgjedhje të reja, teksa takimet e tij ditët e fundit kanë ngjallur shumë dyshime. Mbajtja e zgjedhjeve të reja tani shihet nga PS si shkuarje drejt humbjes, pasi pakënaqësia në popull është e madhe. Për këtë arsye, duket se Edi Rama është gati të bëjë ndryshime në qeveri, në mënyrë që bashkëpunimi PS dhe LSI të vijojë. Janë disa ministra që përflitet se mund të largohen, pasi LSI ka mbetur e pakënaqur me punën e tyre, teksa dhe në publik nuk kanë munguar akuzat ndaj tyre. i pari që shihet se mund të lëvizë është ministri i Shëndetësisë, Ilir Beqaj.

Ai është akuzuar fort për abuzime dhe dështim me dhënien e 3 koncesioneve. LSI gjithmonë i ka kundërshtuar koncesionet, sidomos ato në shëndetësi.

Një tjetër emër i përfolur ditët e fundit është ministri i Energjisë, Damian Gjiknuri. Ai është kallëzuar nga KLSH për kanalin me CEZ Shpërndarje, teksa mes tij dhe LSI ka pasur një përplasje të fortë sa i takon gjyqit me DIA. Sipas informacioneve, edhe Gjiknuri është një emër që mund largohet nga posti i tij, shkruan gazeta Sot.

Mes emrave të ministrave që janë përfolur për t?u larguar nga qeveria, është dhe ai i Saimir Tahirit. Ministri i Brendshëm është kritikuar jashtë mase nga përfaqësues të LSI. Ndër më kritikët kanë qenë Luan Rama dhe Ylli Manjani, ku nuk kanë munguar përplasjet dhe replikat e forta mes tyre. Saimir Tahiri është përfshirë në disa skandale, ku më i rëndi është ai i përgjimeve.

Ndaj tij pati akuza se me anë të pajisjes IMSI Catcher ka përgjuar shumë politikanë, mes të cilëve dhe përfaqësues të LSI. Nga ana tjetër, një konflikt i ashpër mes tij dhe përfaqësuesve të LSI ishte për grabitjen në Rinas. Që aty Luan Rama bëri të ditur se ministri duhej të ishte larguar. Por puna është se Rama nuk po lëshon pe për Saimir Tahirin. Sipas informacioneve, ai ka lëshuar pe për ministrat e mësipërm, por jo për Saimir Tahirin./Gazeta SOT