E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Rrëfimi tmerrues i vajzës që u përdhunua 43.200 herë

2 Gusht 2016, 20:30, Aktualitet CNA

Karla Jacinto ka përjetuar tmerrin e vërtetë, kur ka rënë në duart e trafikantëve të njerëzve, që në Meksikë konsiderohet si një ?industri? fitimprurëse

Qysh si 12-vjeçe, ajo ishte mashtruar nga një trafikant i cili i kishte premtuar gjitha të mira në jetë.

Duke marrë parasysh se ka jetuar në një familje të varfër, trafikanti kishte arritur ta joshë me dhurata, para dhe vetura të shpejta.

Jacinto ishte dashuruar marrëzisht në trafikantin 22-vjeç, sa që ishte larguar nga shtëpia në mënyrë që të jetonte me të në Tenansigo.

Atje kishin jetuar për tre muaj, ku më pas e kishte dërguar në Guadalajara, vend ky ku është detyruar të punojë si prostitutë.

?Ndërrimi im i punës fillonte në ora 10 të mëngjesit dhe përfundonte në mesnatë?, ka deklaruar Jacinto.

Sipas saj, klientët ishin mizorë dhe për asnjë moment nuk brengoseshin për gjendjen e saj shëndetësore por edhe shpirtërore.

?Disa burra fillonin të qeshnin sepse unë qaja. Shumicën e rasteve gjatë aktit seksual i mbyllja sytë, në mënyrë që të mos i shoh se çfarë duke më bërë?, ka shtuar ajo.

Jacinto kujton momentet kur trafikanti i saj, për pak sa nuk ishte çmendur kur kishte kuptuar se disa klientë i kishin lënë shenja në qafë nga kafshimet.

?Më rrihte me zinxhirë. Më godiste me shuplaka dhe shqelma, më tërhiqte zvarrë për flokë, më pështynte në fytyrë dhe me digjte me hekur të nxehtë?, ka vazhduar ajo rrëfimin.

Ajo ka pranuar se ishte shpëtuar nga policia gjatë një aksioni policor, që në fund ishte shndërruar në një skenë horrori.

Policët e kishin fotografuar Karlën dhe vajzat që ishin me të në poza komprometuese, ku disa prej tyre ishin vetëm 10 vjeçe.

Ajo ishte shpëtuar në vitin 2013 në Mexico City, por ka pranuar se gjatë katër viteve trafikim, ajo ishte detyruar që brenda një dite të kryej marrëdhënie seksuale me të paktën 30 meshkuj.

Dhe pas një kalkulimi disa ditësh ka ardhur deri tek shifra shokuese, që thuhet se ishte dhunuar afro 43.200 herë.

Jacinto, tani 23-vjeçe, është zëri më i fuqishëm kundër trafikimit të njerëzve. Rrëfimin e saj të tmerrshëm e ka konfirmuar organizata ?Të bashkuar kundër trafikimit të qenieve njerëzore?, dhe nga zyrtarët e strehimores ku ajo kishte jetuar pasi ishte shpëtuar nga tmerri.

Rrëfimi rrëqethës i Karla Jacinto është përdorur si bazë për Ligjin Megan.

Ndërkohë, revista Forbes e ka shpallur Karlan si njërin nga pesë njerëzit më të fuqishëm në Meksikë. /Telegrafi/