web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta është në hall të madh

26 Korrik 2016, 13:27, Aktualitet CNA

Nga Alban Daci

Entuziazmi i madh që LSI kishte para një jave duket se është kthyer në një makth të vërtetë politik. Deri para një jave, dukej se Ilir Meta, ishte vetmi politikan që gëzonte qetësinë dhe po përjetonte lumturinë.

Madje, dukej aq i qetë sa Militantët e LSI morën guximin të sulmonin menjëherë Ramën, Xhafën e Bracen nëpër facebook. Meta, po ashtu po përdorte kartën e miratimit të reformës për të përfituar terren politik e ndoshta edhe për të bërë ndonjë aventurë të re me PD.

Gjithcka dukej sikur po shkonte për mrekulli dhe Meta po trajtohej si politikani më i madh i të gjitha kohërave, si hero më i madh i Shqipërisë sa militantët e tij e quajt ?Mujo ulqinak?. Meta, dukej njeriu i qetës, i dashurisë dhe i guximit sa kërkoj dhe Qeveri Teknike e zgjedhje të parakohshme. Për një moment u duk sikur Rama ishte i dorëzuar dhe se fati i PS ishte Opozita.

Gjërat dukesh në favorin e LSI dhe të Metës derisa Lu, la dorezat e diplomaci dhe kërcënojë edhe sms deputetët që nëse nuk e votonin reformën do të përballeshin me sanksione të rënda dhe të gjata. Pas këtij reagimi të Lu, Meta nuk ishte më i qetë dhe po ashtu edhe i lumtur.

PD këtë herë deshi ta përdorte Metën për të rrëzuar Ramën. Pra, nëse Meta nuk e votonte reformën, atëherë do të binte Rama e kështu PD do të merrte pushtetin e si shpërblim do të merrte përsëri në bashkëqeverisje Metë.

Dora e fortë e Lu duke detyruar politikën të votonte reformën, ndryshuan planet e PD e gjetën në surprizë Metën që de facto kishte prishur koalicionin me PS. Problem tjetër i madhe i Metës nuk ishte fakti se krejt papritur u gjet si peshku pa uji, por u gjet edhe përballë dy dilemave serioze: Së pari, ai krijojë ndërkombëtarisht imazhin e tij si një njeri që nuk pranon reformën sipas rekomandimeve të SHBA dhe BE.

Pra, një dëmtim imazhi me aleatët ndërkombëtar dhe kanosjen e një izolimi të mundshëm ndërkombëtar. Së dyti, miratimi i reformës sipas rekomandimeve të SHBA dhe BE është një kanosje për Metës dhe modelin e tij politik. Tashmë, me miratimin e reformës në drejtësi sipas rekomandimeve të SHBA dhe BE e bën drejtësi të pavarur dhe në shërbim të ligjit e jo të pushtetit. Nëse të gjitha mediat e kanë akuzuar vazhdimisht Metën për probleme me drejtësinë, atëherë dicka të vërtetë ka.

Në këtë situatë, Meta nga ?Mujo Ulqinaku?, është sot një politikan pa aleancë politike, i dal nga koalicioni, i izoluar ndërkombëtarisht e me mundësi reale për tu përballur me drejtësinë. Nëse dikush nuk e kupton se Meta nuk është në hall, mjaftojnë disa detaje. Meta po mundohet të krijojë në mënyrë të dëshpëruar imazhin se ai është i mirëpritur nga SHBA.

Kështu ai udhëtojë drejt SHBA, për të marrur pjesë në Konventën e Demokratëve. Në këtë aktivitet politik në SHBA mund të marr pjesë kushdo, sepse është një lloj sikur LSI mbushte Pallatin e Asllan Ruci e aty mund të hynte kushdo.

Meta dhe pse shkojë drejt SHBA për të marr pjesë në Konventën e SHBA, ai përsëri nuk u prit nga asnjë zyrtar i lartë i politikës së SHBA. Pra, kjo është tentativë e dështuar e Metës për tu shitur tek qytetarët e shqiptarët, se ai ka mbështetjen e SHBA. Një detaj tjetër që konfirmon lëvizjen e dështuar të Metës për të rikuperuar imazhin e tij ndërkombëtar është fakti se LSI publikon falënderime e urime që Meta merr nga disa zyrtarë krejt pa peshë të BE!

Po ashtu në momentin që u pa qartë se reforma do të miratohej me çdo kusht, ndryshojë edhe qëndrimi i PD në lidhje me një aleancë të mundshme me Metën. Kjo për faktin, se tashmë nuk flitet për një skenar të mundshëm për zgjedhje të parakohshme dhe qeveri teknike. PD nuk është e gatshme të marr një kosto të panevojshme politike duke marr ish aleatin e saj që i solli jo pak probleme politike e juridike. Në këto rrethana, zyrtarët e lartë të PD u shprehën qartë, se nuk ka mundësi për një koalicion me LSI, sepse kjo e fundit ishte bashkëfajtore me PS.

Në këtë rrethana LSI e Meta u gjetën në efektin surprizë dhe filluan të rikuperonin marrëdhëniet e prishura tashmë me Ramën e PS duke thënë se koalicioni funksion. Shanset e këtij rikuperimi janë të vogla, sepse Meta dëshmojë edhe njëherë se nuk është një aleat besnik dhe momenti i parë që i jepet të godet. Kështu Rama dhe PS, po mendojnë seriozisht për krijimin e një qeverie të re, pa Metën.

Po ashtu, flitet se Rama i ka edhe numrat e domosdoshëm për ta bërë një gjë të tillë. Për më shumë duhet të presim shtatorin, i cili do të ketë edhe efektet e para në politike nga hyrja në fuqi e ndryshimeve kushtetuese. /citynews/

 





Lajmet e fundit nga