web counter
LEXO PA REKLAMA!

SHKARKO APP

App Store
Google Play

E fundit!

x

80 mijë dollarë për foton me Obamën/Bloomberg përmend emrin e Edi Ramës

26 Korrik 2016, 11:23, Aktualitet CNA

Media ndërkombëtare publikuan lajmin se William Argeros u shpall fajtor si personi që kishte bërë të mundur financimin e 80 mijë dollarëve nga një donator i huaj në fushatën e presidentit Obama në vitin 2012, duke shkelur ligjin federal të SHBA që ndalon finacimet e huaja në fushata elektorale.

Bloomberg përmend emrin e Kryeministrit Edi Rama, si personin që pagoi 80 mijë dollarët për të bërë një foto me Obamën.

Kjo agjenci i referohet një shkrimi të Associated Press, e cila nga ana e saj citon akuzat e opozitës shqiptare.

Bashkë me William Argeros fajtor është shpallur edhe Bilal Shehu, personi që Rama e takoi në San Francisco në takimin elektoral të presidentit Obama.

Kryeministri shqiptar ka thënë se e ka takuar Bilal Shehun si ?anëtar të komunitetit shqiptar në Nju Jork?.

Por opozita e akuzon se ai e përdori Bilal Shehun për të paguar paratë dhe për të marrë pjesë në takim, me qëllim që të bënte një foto me presidentin Obama.

Këtë foto Rama e përdori në fushatën elektorale të vitit 2013 dhe i fitoi zgjedhjet. Vetë Rama i ka mohuar akuzat.

Opozita e ka paditur në prokurori për këtë çështje që në SHBA po hetohet nga FBI. /citynews/





Lajmet e fundit nga