web counter
LEXO PA REKLAMA!

SHKARKO APP

App Store
Google Play

E fundit!

x

Ndocaj thirrje Kumbaros/ Ndalo koncesionin për Kalanë e Lezhës!

24 Korrik 2016, 19:12, Aktualitet CNA

Deputeti Eduart Ndocaj i është drejtuar me një thirrje publike Ministres së Kulturës Mirela Kumbaro, duke i kërkuar të ndalë koncesionin për Kalanë e Lezhës.

Ndocaj shprehet se Kalaja është simbol qëndrese dhe jo vend motelesh.

“Denoncoj me forcon dhënien me koncesion të Kalasë së Lezhës. Ky koncesion parashikon që brenda në Kala të ketë ndërtime dhe aktivitete si restorante dhe hotel. Kalaja e Lezhës ka vlera të jashtëzakonshme historike që datojnë që nga antikiteti. Dhunimi i parë i Kalasë u tentua me vendosjen e pllakës së sulltan Sulejmanit! Dhunimi i dytë dhe ndoshta edhe më i rëndi tentativa për ta dhënë me koncesion.
I bëj thirrje Ministres Kumbaro të kushtojë vëmendjen që meriton ky objekt historik. I bëj thirrje z. Kumbaro të ndalojë dhënien me koncesion të Kalasë. Po ashtu siç e shikoni edhe në foto ndërtimet e paligjshme kanë rrethuar Kalanë.” shprehet Ndocaj.

Ai thekson se Kalaja ka nevojë për mirëmbajtje, për të filluar gërmimet arkeologjike, sepse shumica e territorit nuk është studiuar. “Këto ndërtime janë lejuar nga administrata e mëparshme e Bashkisë së Lezhës. Kam denoncuar se janë dhënë lejë ndërtimi me kundërshtim me ligjin, sepse ato janë bërë në zonën e Kategorisë së Parë Arkeologjike. Kalaja e Lezhës nuk ka nevojë për motele apo ndërtime. Ajo ka nevojë për mirëmbajtje, për të filluar gërmimet arkeologjike, sepse shumica e territorit nuk është studiuar. Po ashtu Kalaja e Lezhës ka nevojë për promovime të rëndësishme turistike në guidad më të rëndësishme kombëtare dhe ndërkombëtare.
Po ashtu, ka nevojë për ndriçim, shtyllat që duhet të vendoseshin afër hyrjes së portës, ndezjen e ndriçimit që fillon nga poshtë qytetit. Po ashtu në gjithë Kalanë nuk ka edhe një çezme uji. Falënderoj Kryetarin aktual të Bashkisë që po bën një punë të mirë për të mbrojtur Kalanë!” përfundon Ndocaj. 





Lajmet e fundit nga