E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skaner deri në kushërinjtë e dytë/SPAK, si do të kontrollohen puonjësit e Gjykatave dhe Prokurorive speciale

24 Korrik 2016, 17:15, Aktualitet CNA

Punonjësit e SPAK, në të cilën përfshihen administrata gjyqësore e Gjykatave Kundër Korrupsionit dhe Krimit të Organizuar, punonjësit e administratës të Prokurorisë së Posaçme dhe punonjësit e administratës të Byrosë Kombëtare të Hetimit, u nënshtrohen disa kontrolleve specifike, të cilat përfshijnë edhe brezin e dytë të të afërmve.

Përveç deklarimit vjetor në Inspektoratin e Lartë për Deklarimin dhe Kontrollin e Pasurive dhe Konfliktin e Interesit, anëtarët e kësaj trupe janë të detyruar t?i dorëzojnë Oficerit Përgjegjës të Byrosë Kombëtare të Hetimit një deklaratë ku të rendisin të gjithë anëtarët e familjes të vetë punonjësit dhe bashkëshortin/es: fëmijët, nipërit, motrat/vëllezërit, prindërit, gjyshërit, tezet/hallat, xhaxhallarët/dajat, kushërinjtë e parë, si dhe kushërinjtë e dytë.

Punonjësit kanë detyrimin e vazhdueshëm të përditësojnë deklaratën sipas nevojës dhe të deklarojnë çdo konflikt interesi tek kancelari, gjyqtari apo prokurori përkatës. Mosdorëzimi apo mospërditësimi i deklaratës apo deklarimi jo i plotë apo i rremë përbën shkak për pezullim të menjëhershëm dhe shkarkim të mundshëm.

Ata kanë detyrimin e vazhdueshëm t?i deklarojnë drejtorit apo Oficerit Përgjegjës të Byrosë Kombëtare të Hetimit ose Drejtuesit të Prokurorisë së Posaçme çdo kontakt me persona, të cilët i kanosin, u ofrojnë ryshfet apo para për të marrë informacion apo në këmbim të veprimeve që kanë lidhje me një hetim apo çështje të zyrës. Mosdeklarimi i këtyre kontakteve apo deklarimi jo i plotë apo i rremë përbën shkak për pezullim të menjëhershëm dhe shkarkim të mundshëm.

Po ashtu, ata kanë detyrimin e vazhdueshëm të ruajnë konfidencialitetin dhe sekretin e dëshmitarëve, provave, dokumenteve dhe të çdo informacioni tjetër në lidhje me hetimet e Zyrës, me përjashtim të rasteve kur këto informacione janë bërë publike tashmë në përputhje me ligjin. Shkelja e këtij detyrimi përbën shkak për pezullim të menjëhershëm dhe shkarkim të mundshëm.

Kandidatët për gjyqtarë në gjykatat kundër korrupsionit dhe krimit të organizuar, për prokurorë në Prokurorinë e Posaçme, dhe për drejtor e hetues në Byronë Kombëtare të Hetimit duhet të plotësojnë kushte specifike të sigurisë, përpara se të caktohen ose punësohen në këto pozicione.

Kandidatët plotësojnë dhe dorëzojnë deklaratat për pasurinë dhe konfliktet e interesave tek Inspektorati i Lartë për Deklarimin dhe Kontrollin e Pasurive dhe Konfliktin e Interesave, në përputhje me legjislacionin në fuqi.

Kandidatët plotësojnë dhe dorëzojnë në Autoritetin e Sigurisë Kombëtare një pyetësor sigurie. Brenda 90 ditëve, drejtori i Autoritetit të Sigurisë Kombëtare i paraqet një raport autoritetit që i cakton në detyrë apo merr në punë, lidhur me faktin nëse pyetësori ishte plotësuar në mënyrë të saktë si dhe i tregon çdo shqetësim që mund të burojë nga hetimi i verifikimit të figurës.

Kandidatët plotësojnë një deklaratë me shkrim, të nënshkruar nga kandidati dhe anëtarët e afërt të familjes, sipas së cilës, nëse caktohen në detyrë apo merren në punë, telekomunikimet e kandidatit do të jenë objekt vëzhgimi dhe heqin dorë nga e drejta e jetës private lidhur me këto komunikime.

Një kandidat i cili ka marrë një opinion negativ nga Inspektorati i Lartë për Deklarimin dhe Kontrollin e Pasurive dhe Konfliktit të Interesave ose nga Autoriteti i Sigurisë Kombëtare nuk mund të caktohet në detyrë në Prokurorinë e Posaçme.

Një kandidat i cili ka marrë një opinion negativ nga grupi i ekspertëve të mjekësisë ligjore nuk mund të caktohet në detyrë në Prokurorinë e Posaçme. /citynews/