E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Ligj i ri për parandalimin e trafikut të substancave narkotike/ Rriten kompetencat e strukturës qendrore në Policinë e Shtetit

23 Korrik 2016, 06:29, Aktualitet CNA

Në Kuvend është depozituar ligji i ri për ?Për parandalimin dhe luftën ndaj trafikut të substancave narkotike ose psikotrope?, të ndryshuar.

Do të jetë struktura për hetimin e lëndëve narkotike, në Policinë e Shtetit, e cila do të marrë rolin kryesor në parandalimin e substancave narkotike. Sipas draftit, Struktura Qendrore për Hetimin e Lëndëve Narkotike (SQHLN) është përgjegjëse për parandalimin e luftën kundër veprave penale në fushën e lëndëve narkotike dhe për trajtimin, në mënyrë të unifikuar, të veprimtarisë së policisë së shtetit në këtë fushë, shkruan “Sot”

Ndërsa struktura përgjegjëse për parandalimin dhe hetimin e veprave penale në fushën e lëndëve narkotike në Forcat e Armatosura të Republikës së Shqipërisë është Policia Ushtarake, e cila bashkëpunon me strukturat përgjegjëse të Policisë së Shtetit në nivel qendror dhe vendor. Në ligj janë bërë disa ndryshime të karakterit teknik. Në nenin 10, të projektligjit është parashikuar shfuqizimi i nenit 19 të ligjit, ku përcaktohet si vepër penale drejtimi i automjeteve nën efektin e lëndëve narkotike. Kjo vepër aktualisht është parashikuar në Kodin Penal dhe nuk ka arsye që të jetë e parashikuar një dispozitë penale në këtë ligj. Në nenin 2, të projektligjit është parashikuar përbërja e Komitetit Kombëtar të Bashkërendimit të Luftës Kundër Drogës, në bazë të fushave të përgjegjësisë së institucioneve përbërëse, duke shmangur problemin e lidhur me ndryshimin e emërtimit të ministrive apo krijimin e ministrive të reja, e cila do të çonte në mospërfshirjen e një përgjegjësie të caktuar shtetërore, që i korrespondon një ministrie të caktuar.

Sipas asaj që thuhet në ligj, përbërja e këtij Komiteti është ndryshuar për të qenë në një linjë me vendimin nr.299, datë 14.4.2011, të Këshillit të Ministrave, ?Për miratimin e rregullores ?Për funksionimin e Komitetit Kombëtar të Bashkërendimit të Luftës Kundër Drogës, Sekretarisë së këtij Komiteti dhe Zyrës së Sistemit Kombëtar të të Dhënave për Drogën.