web counter
LEXO PA REKLAMA!

SHKARKO APP

App Store
Google Play

Aksionet e Bankers/ Finalizimi i shitjes tek kompania kineze, më 31 korrik

22 Korrik 2016, 20:16, Aktualitet CNA

Bankers Petroleum ka shtyrë për më 31 korrik përfundimin e transaksionit për finalizimin e shitjes tek kompania kineze Geo-Jade Petroleum Corporation. Kompania kanadeze njofton se nëse marrëveshja nuk mbyllet brenda korrikut, mund të nevojitet një tjetër amendim i marrëveshjes, për shtyrjen e datës së finalizimit të transaksionit.

2,2 dollarë do të shitet çdo aksion i Bankers Petroleum tek Geo-Jade Petroleum Corporation në bazë të marrëveshjes së datës 19 mars 2016. Deklarata është bërë nga vet kompania kanadeze, që thotë se përfundimi i transaksionit mbetet subjekt i miratimit rregullator të Administratës Shtetërore Kineze të Këmbimit Valutor  dhe miratimi i marrëveshjes është shtyrë për në 31 korrik 2016.

Bankers dhe Geo-Jade janë duke punuar intensivisht së bashku për marrjen e këtij miratimi brenda muajit korrik, dhe nëse ky miratim merret, marrëveshja parashikon një zgjatje automatike gjashtëdhjetë ditë nga data e fundit , pra deri në 29 shtator, 2016 për mbylljen e transaksionit. Por nëse miratimi nuk merret deri më 2 gusht, 2016 atëherë një amendim i mëtejshëm i marrëveshjes do të jetë i nevojshëm  për shtyrjen e datës për mbylljen e transaksionit.  bankers petrolium konfirmon se pas përfundimit të transaksionit, aksionet e Bankers nuk do të listohen më në bursën e Torontos  dhe të Londrës.





Lajmet e fundit nga