web counter
LEXO PA REKLAMA!

SHKARKO APP

App Store
Google Play

Sulmet në Gjermani/ Një dëshmitare shqiptare rrëfen ngjarjen: Na kanë thënë për 30 viktima, e pashë autorin

22 Korrik 2016, 18:49, Aktualitet CNA

Dy ngjarje brenda pak minutash kanë tronditur qytetin e Mynihut në Gjermani. Fillimisht një person i armatosur ka hapur zjarr në një qendër tregtare në qendër të Mynihut.

Zona e qendrës tregtare në rrethin e Moosach është mbyllur, por detajet e incidentit janë të paqarta.

Nga ky sulm, raportohet zyrtarisht për 3 të vdekur dhe 10 të plagosur. Edhe Ministri i Brendshëm i Bavarisë konfirmon për 3 viktima nga të shtënat. Gjithë Mynihu është në shtetrrethim.

 

Një shqiptare, rezidente në Mynih, punëtore në qendrën tregtare ka qenë dëshmitare e ngjarjes ndërsa tregon për News24 se e ka parë autorin dhe se dyshohet për 30 viktima. Megi Shota thotë se aktualisht është e mbyllur bashkë me koleget në ndërtesën e qendrës tregtare pasi policia iu ka thënë të mos lëvizin.

?Të gjitha rrugët janë të bllokuara. Autorët nuk janë gjetur. I gjithë qyteti i bllokuar. Flitet se kanë ndodhur në disa zona të Mynihut sulme me armë. Ka helikopterë. Janë të gjitha rrugët me forca speciale. Nuk lejohet lëvizja e makinave dhe as njerëzve. Me sa dëgjuam janë vrarë disa persona, mbi 30 veta.  Policia ka bërë thirrje që njerëzit të qëndrojnë në banesa. Sa do dilnim nga puna, po vraponin të tronditur nga qendra tregtare, pamë edhe personin që qëlloi. Policia na tha të qëndrojmë brenda pa lëvizur?, ka thënë Megi.





Lajmet e fundit nga