web counter
LEXO PA REKLAMA!

SHKARKO APP

App Store
Google Play

Kriza e deputetëve të  Ramës/A do të jetë Sajmir Tahiri, “kurbani” i parë?

12 Korrik 2016, 14:26, Aktualitet CNA

Ministri i Brendshëm Sajmir Tahiri mund të jetë ?kurbani? i parë në ndryshimet në Qeverinë Rama. Në kushtet kur Edi Ramës, kryetar i PS-së dhe Kryeministër, po i reduktohen votat e deputetëve në Kuvend, e vetmja rrugë për të shpëtuar nga një mocion mosbesimi është riformatimi i Qeverisë me kushtet e përcaktuara nga LSI.

Kjo e fundit ka intensifikuar sulmet dhe akuzat ndaj ministrit të Brendshëm, të cilin e fajëson ashtu sikundër edhe opozita, për grabitjen e kryer në Rinas të disa miliona eurove.

Luan Rama nuk do të nguronte në mbledhjen e fundit të komisionit të sigurisë të debatonte me kolegët e tij socialist në lidhje me këtë grabitje, madje do e quante të pambrojtshme përgjegjësinë e Policisë së Shtetit dhe ministrit të Brendshëm. ?O Piro, se ti ke qenë dhe ushtarak, një oficer të të ikte pa leje nga shërbimi, ti ikje për lesh, e jo më të ndodhte ngjarje si kjo e aeroportit. Mos mbroni që gjë të pambrojtshme?-i tha Luan Rama, kolegut të tij socialist Piro Lutaj.

Ndonëse e ka marrë në mbrojtje për 3 vite me rradhë nga sulmet dhe akuzat që i janë bërë, tashmë Rama duket se e ka të pamundur të mbrojë Tahirin përballë kërkesës taksative që i vjen nga LSI. Madje edhe në takimin e fundit që pati me Kreun e Qeverisë, mësohet se Rama dhe Meta kanë rënë dakort për ndryshimet në Qeveri, ndërsa Kryeparlamentari kërkoi largimin nga detyra të ministrit të Transporteve Edmond Haxhinasto dhe atij të Brendshëm, Sajmir Tahiri. Ky i fundit tashmë do të përballet edhe me Prokurorinë pas padisë së ngritur nga KLD në lidhje me akuzat, fyerjet dhe sulmet ndaj gjyqtarit Arjan Aliaj. /citynews/





Lajmet e fundit nga