web counter
LEXO PA REKLAMA!

SHKARKO APP

App Store
Google Play

Përplasen dy trena në Itali, 20 të vdekur dhe shumë të plagosur

12 Korrik 2016, 12:43, Aktualitet CNA

UPDATE – Mediat raportojnë se numri i të vdekurve ka arritur në 20 dhe se ende ka shumë të plagosur në vendngjarje.

Presidenti rajonal i Puglias tha se ngjarje ka përmasa tragjike ndërsa shtoi se i lartë është edhe numri i personave që janë në gjendje të rëndë për jetën.

Ndërkaq kryeministri italian Mateo Renzi pritet ta vizitojë Puglias sonte.

14:45: Dy trena janë përplasur me njëri-tjetrin në Puglia të Italisë. Mediat italiane raportojnë se bilanci në viktima është i frikshëm.

Sipas raportimit, 11 pasagjerë kanë mbetur të vdekur në vend dhe shumë të tjerë janë plagosur.

Mësohet se trenat udhëtonin në anë të kundërta pranë një fshati mes lokaliteteve Ruvo dhe Korato.

Secili nga trenat përbëhej nga katër vagonë,  ndërsa në aksident janë përfshirë vetëm dy vagonë të secilit tren.

Në vendngjarje kanë mbërritur menjëherë forcat e policisë, zjarrfikëse dhe ambulancat.

Persona nga vendi i ngjarjes raportojnë se ajo që ka ndodhur në Puglia i ngjan një skenari apokaliptik.

Ndërsa nga ky aksident tragjik është regjistruar edhe një lajm i mirë pasi një fëmijë ka arritur të mbijetojë mrekullisht.

Policia dhe organe të tjera të shtetit italian thanë se po bëhet nxjerrja e viktimave dhe dyshohet se numri i të vdekurve mund të jetë më i lartë.

Forcat policore paralalisht kanë nisur hetimet për këtë ngjarje. /CityNews/

 





Lajmet e fundit nga