E fundit!

16:28 Aktualitet

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

Drejtori i Përgjithshëm i Policisë së Shtetit, Skënder Hit...

Kush është ekipi i Bashës?

12 Korrik 2016, 12:06, Aktualitet CNA

Në prag të zgjedhjeve parlamentare, të cilat mund të jenë edhe të parakohshme, për shkak të krizës që ka në raportet mes dy partive të koalicionit qeveritar, PS-LSI, kreu demokrat Lulzim Basha, ende nuk ka një ekip të konfiguruar me qëllim bindjen e shqiptarëve për të votuar alternativën që ofron.

Nëse ekipi i Bashës përfshin një pjesë të sekretarëve aktualë apo drejtuesve të Departamenteve, atëherë është e vështirë që të gjesh më shumë se dy apo tre emra, të cilët jnë aktivë dhe mund të kenë një peshë apo eksperiencë në përballjet elektorale.

Nëse Basha mendon se me Ervin Salianjin apo Grida Dumën, Enno Bodon, Enkelejd Alibeajn apo Genc Pollon, do të mund të mbledhë vota dhe të fitojë zgjedhjet e ardhshme parlamentare, dështimin e ka pothuajse të sigurtë.

Citynews i komenton me menyren e tij figurat e mësipërme, por kreu demokrat duhet t?I bëjë të qartë qytetarëve që cili është ekipi i tij.(sado te peshtira dhe pa vlere te jene zgjedhjet e tij).

Nëse ai ka zgjedhur si pjesë të ekipit Ervin Salianjin kjo është çështje e tij, por ne nuk mund të mos themi që ai është një humbës në garën për Kreun e FRPD-së, një humbës të cilin të rinjtë demokratë e nxorën nga dera, por me një urdhër, ai emërohet në krye të Aksionit Qytetar.

Grida Duma nuk ka asnjë gjë të keqe që të bëjë pjesë në stafin e Bashës, por ne nuk mund të mos e themi se reultati që ajo morri në zgjedhjet e fundit lokale në Durrës, ishte ndër më zhgënjyesit që kjo forcë politike ka pasur që prej themelimit të saj.

Nëse pjesë e ekipit Basha është Enno Bozdo, sërisht kjo është një zgjedhje e Kreut të PD-së, por ne nuk mund të mos i kujtojmë të paktën skenën e fundit të krijuar në Durrës, ku Sekretari Organizativ i partisë më të madhe në opozitës, shkon dhe ndërron bravat e dyerve, sikur selinë ta kishte pronë të tij. Dhe për më tepër ka krijuar njuë kaos total në një nga degët kryesore të PD-së.

Enkelejd Aliebaj humbi garën për Këshillin Kombëtar të PD-së, humbi zgjedhjet në Fier kur kandidonte për Bashkinë e këtij qyteti me një rezultat të thellë, krijoi përplasjet mes trukturave të degës së kësaj partie, ndërsa u emërua në krye të Departamentit të Rendit dhe Sigurisë, pa u votuar nga Këshilli Kombëtar, sikundër përcaktohet në statut. Gjatë qeverisjes së PD-së, Alibeaj u largua nga posti i ministrit të Drejtësisë dhe nuk u kandidua për deputet, ndërsa tentoi postin e Sekretarit të Përgjithshëm të kësaj partie ku humbi përballë Arben Ristanit.

Nëse Genc Pollo është pjesë e ekipit Basha, kjo është zgjedhje e tij ose e të dyve. Por ne nuk mund të mos e themi se ai është në ije, ndoshta në pritje për të sulmuar pas krahëve, kryesesin e ekipit.

Pavarësisht se kush do të jetë ekipi i Bashës, a përfshihen apo jo këto emra, kreu demokrat ka një detyrim moral para çdo shqiptari që do t?I kërkojë votën në mbështetje të PD-së, që t?i bëjë të njohur ekipin e tij. Nëse nuk e ka një ekip, atëherë ka ende edhe pak kohë për ta krijuar?