web counter
LEXO PA REKLAMA!

SHKARKO APP

App Store
Google Play

25 Vjetori i themelimit të PS/Nano, Blushi dhe Meta mungojnë në festën e Ramës

12 Korrik 2016, 11:49, Aktualitet CNA

Lideri historik i socialistëve Fatos Nano, deputeti Ben Blushi si dhe Kryetari i LSI-së, Ilir Meta, nuk do të jenë të pranishëm në festimet që do të organizohen sot me rastin e 25 vjetorit të themelimit të PS-së.

Nano dhe Blushi duket se kanë refuzuar ftesat e Edi Ramës për të qenë pjesëmarrës në festë, ndërsa Meta mësohet se po zhvillon një vizitë zyrtare në Malin e zi.

Mungesa e Nanos dhe Blushit ishte e pritshme për shkak të zhvillimeve të brendshme në Partinë socialiste. Në Qershor, nano nuk do të nguronte që përmes një mesazhi drejtuar socialistëve, ti bënte thirrje atyre të reagonin fuqishëm kundër frymës së Rilindjes. Ndërkohë që Blushi prej kohësh është një nga kritikët më të ashpër të Ramës dhe Qeverisë që ai drejton.

Në festën e PS-së janë ftuar rreth 1000 persona, ndërsa një ftesë ka shkuar edhe për kreun e PD-së Lulzim Basha. Nuk dihet nëse ky i fundit do të jetë pjesë e festimeve në 25 vjetorin e themelimit të PS-së, apo do të delegojë një nga përfaqësuesit e opozitës për të marrë pjesë. Në festën e organizuar vjet nga socialistët, i pranishëm nga opozita ishte vetëm Tritan Shehu. /citynews/





Lajmet e fundit nga