web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e Kostës dhe Ndocaj/ A do merret i pandehur Edi Rama ?

12 Korrik 2016, 10:45, Aktualitet CNA

Deputetët e Partisë Socialiste Vladimir Kosta dhe Eduard Ndocaj kanë hedhur akuza të forta ndaj kryeministrit Edi Rama në lidhje me financimet e Partisë Socialiste gjatë fushatës të vitit 2009 dhe 2015. Këto akuza mund të çojnë në bankën e të pandehurve kryeministrin Edi Rama.

Deputeti Eduard Ndocaj tha pas zgjedhjeve vendore të vitit 2013 se kishte financuar 500 mijë euro gjatë fushatës.

?Paratë e shpenzuara në fushatë i kalojnë gjysëm miliardi lekë. Nuk kisha shpresa për tu zgjedhur sepse isha i gjashti në listë?, tha Ndocaj

Citynews bëri një kërkim të thjeshtë për të vërtetuar nëse financimi i Ndocaj është pasqyruar në raportet financiare të Partisë Socialiste. Nga ky kërkim rezultoi se deputeti Ndocaj nuk figuron në listën e donatorëve të Partisë Socialsite për zgjedhjet e vitit 2013.

Vladimir Kosta

Ditën e djeshme, deputeti Vladimir Kosta, njoftoi largimin e tij nga grupi i PS. Përmes një letre drejtuar kryeministrit Rama dhe deputetëve të PS, Kosta nënvizoi se i kishte paguar 110 mijë euro një televizioni për një kërkesë të Edi Ramës. Kjo shifër e përmendur nga deputeti Kosta, nuk rezulton të jetë e regjistruar në asnjë prej raporteve financiare të Partisë Socialiste.

?Kam investuar mund, djersë dhe para për partinë socialiste, Berat, Poliçan në 2009, Për një kërkesë tënden i pagova 110 mijë euro televizionit të atij jevgut të Beratit . Ma kërkove me ngulm në një kafene të Beratit, po s?e kujtove pyet Tikun.?, tha Kosta

Akuzat e dy deputetëve, ngrenë dyshime të forta për donacionet që Partia Socialiste ka marrë gjatë zgjedhjeve. Me këto deklarime të deputetëve, prokuroria duhet të nisë minimalisht hetimet për burimin e financimeve në PS dhe për donacionet e pa deklaruara. Sipas pasqyrës së fondeve të përfituara nga auditi i pavarur, financimet e deputetit Eduard Ndocaj dhe Vladimir Kosta nuk janë pjesë listës.

Këto raste përbëjnë shkelje flagrante të ligjit për deklarimin e fondeve të partive politike. Një hetim i prokurorisë do të zbulonte të vërtetën e financimeve në PS dhe mund të vendoste nëse mund të merrej i pandehur kreu i PS, Edi Ramën./citynews





Lajmet e fundit nga