web counter
LEXO PA REKLAMA!

SHKARKO APP

App Store
Google Play

Letra e Kostës për Ramën/ Çela: Nuk i plotësova kërkesat

12 Korrik 2016, 08:09, Aktualitet CNA

Administratori i OSHEE Ardian Çela e ka cilësuar si një shfaqje vulgariteti letrën që Deputeti i Partisë Socialiste në qarkun e Gjirokastrës, Vladimir Kosta I shkruante kryeministrit Rama një ditë më parë.

Në një reagim për mediat Kosta thekson se nuk është i keq ardhur që nuk i ka plotësuar kërkesat e deputetit për të fituar në rrugë të paligjshme tenderë të shpallur nga OSHEE.

?Shpreh keqardhje të thellë për prononcimin e deputetit Vladimir Kosta, por nuk jam i keqardhur që nuk i’a kam plotësuar kërkesat e tij absurde për të fituar në rrugë të paligjshme tenderë të shpallur nga OSHEE.

Fatkeqësisht nuk më vjen e papritur kjo shfaqje vulgariteti vetediskreditues që flet vetë për nivelin e Vladimir Kostës. Sulmin e tij në vigjilje të finalizimit të Reformës në Drejtësi e marr si kompliment për kompaninë dhe për drejtimin tim me ligjshmëri dhe transparencë.

Reforma në Drejtësi ende pa u miratuar po tregon se çfarë vlere të madhe ka për të ndarë njerëzit që duan shtet, drejtësi, rregulla nga ata që duan të vazhdojnë në rrugën e vjetër të përfitimeve të paligjshme.?- shkruan Çela

Kosta në letrën e tij  akuzon kryeministrin se ka hedhur në rrugë socialistët e vërtetë, ndërsa shpreh hapur pakënaqësinë ndaj kreut të qeverisë dhe disa ministrave të tij. Arsye këto, të cilat ai i cilëson të mjaftueshme për tu larguar nga grupi parlamentar i PS.





Lajmet e fundit nga