E fundit!

20:23 Aktualitet

Video-Protesta në Tiranë/ Qytetarët nuk lejohen të vendosin banderola në Universitetin Politeknik

Mijëra protestues që janë grumbulluar këtë të hënë për pro...

Nuland në Maqedoni/ Zbatim të plotë të Marrëveshjes së Përzhinës

11 Korrik 2016, 22:10, Aktualitet CNA

Tërësisht të zbatohet Marrëveshja e Përzhinës dhe sa më shpejt të arrihet marrëveshje për mbajtjen e zgjedhjeve me qëllim daljen nga kriza politike në të cilën ndodhet Maqedonia, është mesazhi i ndihmëssekretares shtetërore të SHBA-së për Evropën dhe Euroazinë, Viktoria Nuland që e dha sot në pres konferencë në Ambasadën Amerikane në Shkup pas takimeve me partitë politike dhe sektorin joqeveritar.

?Duket që është arritur një progres i caktuar në implementimin e Marrëveshjes së Përzhinës, por tani është momenti që kjo punë të përfundojë dhe Maqedonia të vendoset në kursin e zgjedhjeve korrekte dhe të lira?, tha Nuland.

Ajo theksoi se partitë politike tashmë kanë biseduar për këtë se si të zhvillohen zgjedhjet edhe para ardhjes së saj, ndërsa pas takimit të sotëm me liderët e VMRO-DPMNE-së, LSDM-së, BDI-së dhe PDSH-së, siç citon , largohet nga Shkupi e inkuarajuar.

?Duhet të them se largohem nga Shkupi e inkurajuar, nga ajo që dëgjova. Shpresoj se ekipet negocuese në disa nga ditët e ardhshme do të bashkohen rreth disa ideve që tani janë në tavolinë me çka do të kapet kursi drejt mbajtjes së zgjedhjeve. Për këtë do të nevojitet vullnet politik nga të gjitha palët dhe unë e ndjeva që ky vullnet ekziston edhe pas takimeve që pata sot?, tha Nuland.

Ajo shtoi se ambasadori Bejli dhe ekipi i tij do të vazhdojë me punën e vështirë së bashku me Bashkimin Evropian me qëllim që partitë politike në vend të gjejnë zgjidhje sa më shpejt që të jetë e mundur.

Qëllimi i dytë i vizitës së saj në Maqedoni ishte që të jepte përkrahje në përforcimin e drejtëisë dhe sundimit të së drejtës.

Diplomatja amerikane nënvizoi se sot ka pasur takime edhe me përfaqësues të sektorit joqeveritar dhe me gazetarë me qëlim që t?i inkuarajojë në punën që ata bëjnë. Sot në mëngjes u takua edhe me prokuroren publike speciale, Katica Janeva dhe ekipin e saj dhe gjatë kësaj theksoi se puna e saj është me rëndsi vitale për sigurimin e mbizotërimit të vërtetë të së drejtës, një sistemi përgjegjës dhe të pastër gjyqësor në vend, raporton TetovaSot. ?Kjo është diçka që absolutisht është e dmosodoshme për Maqedoninë që të arrijë qëllimet e saj euratlantike, që të arrijë qëllimin e saj që të bëhet anëtare e BE-së dhe e NATOs për çka e ka edhe përkrahjen afatgjatë të SHBA-së?, tha Viktoria Nuland.