web counter
LEXO PA REKLAMA!

SHKARKO APP

App Store
Google Play

Mandatet e deputetëve në Kuvend/Ja pse ka rënë Qeveria Rama?

12 Korrik 2016, 12:38, Aktualitet CNA

Qeveria Rama ndoshta është në ditën e saj më të zezë referuar numrit të mandateve të deputetëve që mund ta votojnë. Në çdo moment me një mocion mosbesimi, Rama rrëzohet nga posti i Kryeministrit, nëse LSI do të votojë kundër.

Aktualisht Rama ka vetëm 54 vota deputetësh socialist, pas largimit edhe të Vladimir Kostës. Nëse i shtohen edhe deputetët e PDIU-së, Rama shkon në 59 vota, megjithëse deputetja Mesila Doda ka deklaruar në momentin që iu bashkua kësaj force politike nga PD, se nuk do të votojë asnjëherë pro Qeverisë rama. Pra pa votën e Dodës, Rama zotëron bashkë me votat e PDIU-së 58 deputetë, çka do të thotë se do ti duhen edhe minimalisht 13 të tillë për të garantuar qeverisjen.

Tom Doshi dhe Eduard Ndocaj, Ben Blushi dhe Mimoza Hafizi, Mira Shehu dhe Arta Dade, përfshi edhe Vladimir Kostën, janë 7 ligjvënësit e së majtës të cilët knë shprehur vazhdimisht kritika ndaj Kryeministrit Rama dhe qeverisë së drejtuar prej tij.

Por shifra e ligjvënësve socialistë mund të reduktohet edhe më tej nëse merren të mirëqëna deklaratat e ish-deputetit Koço Kokëdhima apo deputetit Vladimir Kosta, të cilët flasin për të tjerë ligjvënës socialistë që kanë kritika dhe pakënaqësi ndaj Ramës.

Tashmë Qeveria Rama varet në fijen e perit dhe nëse Kryeministri do të mbijetojë apo jo deri në fund të mandatit të tij, gjithçka varet nga LSI-ja dhe Ilir Meta. Në çdo moment Meta me 19 deputetët e tij mund të rrëzojnë Ramën dhe të çojnë vendin drejt një qeverie tjetër po të majtë, ose në të kundërt drejt një kabineti me spektër të gjerë, ku të përfshihen të majtë e të djathtë.

Ky është momenti kur Meta ka në dorë jo vetëm largimin e disa prej ministrave, që ia kërkon Ramës prej kohësh, por edhe momenti kur ai mund të synojë postin e Kryeministrit, për shkak të mandateve që zotëron në Kuvend. /citynews/





Lajmet e fundit nga