E fundit!

13:51 Aktualitet

Protestuesit te selitë e partive/ Vrenozi: Veprim antishqiptar, PD dhe PS nuk u prekën as në '97

Demokrati i famshëm, Ilir Vrenozi ka bërë një reagim në li...

Prapaskenat/A do e propozojë Ilir Meta, Koço Kokëdhimën për postin e Presidentit

10 Korrik 2016, 09:51, Aktualitet CNA

Citynews ka raportuar përgjatë ditëve të fundit mbi takimet që po zhvillon në Gjirin e Lalzit ish-deputeti socialist Koço Kokëdhima me Kryetarin e Kuvendit, njëherëz edhe Kryetar të LSI-së, Ilir Meta.

Pasi humbi mandatin e deputetit, Kokëdhima ka intensifikuar takimet me Metën, i cili në anën tjetër ka vendosur nën presion Kryeministrin Edi Rama jo vetëm për çështjen e reformës në drejtësi, por edhe përsa i takon ndryshimeve në Qeveri.

Kokëdhima, dikur mik dhe mbështetës i Kryeministrit Edi Rama, duket se me takimet e vazhdueshme me Metën, po synon jo vetëm ti tregojë dhëmbët kreut socialist, por edhe të konsolidojë pozitat e tij në politikë. Burime nga mazhoranca bëjnë me dije se nuk përjashtohet mundësia q ëish-deputeti socialist i Vlorës të ketë nisur lobimin për postin e Presidentit të vendit, zgjedhja e të cilit do të realizohet pas rreth 1 viti.

Dhe duket se për të realizuar këtë skenar, Kokëdhimës i duhet të marrë garanci se një nga faktorët politikë në vend do të hedhë emrin e tij në tryezë. Opozita e drejtuar nga Partia Demokratike nuk ka asnjë sens për të ndërmarrë një hap të tillë, Edi Rama dhe partia që drejton, gjithashtu nuk ka arsye sepse të ndërmarrë një hap të tillë, çka i mbetet LSI-së për të hedhur këtë propozim.

Burimet shprehen se ky skenar mund të vihet në veprim, nëse Kryeministri do të propozojë për postin e Kryeprokurorit të vendit, ish-ministrin e Drejtësisë, Nasip Naço, i cili ka mbajtur një post qeveritar edhe në Qeverinë Berisha.

Burimet shprehen se Naço është një figurë e pranueshme edhe nga opozita, por duket se ka një kundërshti nga LSI, edhe pse ish-ministri i Drejtësisë është pjesë e kësaj force politike. Përballë një skeme të tillë që Rama mund ta aplikojë me përfundimin e mandatit të Adriatik Llallës si Kryeprokuror, LSI mund ti përgjigjet duke propozuar Koço Kokëdhimën në postin e Presidentit.

Ndoshta të dy skenarët mund të mos vihen në zbatim, por duket se për çdo lëvizje të Ramës që mund të mos ketë konsensusin apo mbështetjen e partnerit të tij kryesor në qeverisjen e vendit, Kryetari i Kuvendit, ka gati kundërpërgjigjen. /citynews/