web counter
LEXO PA REKLAMA!

SHKARKO APP

App Store
Google Play

E fundit!

x

Propozimi i PD për rekomandimin 88/ Basha: Rama refuzon të përgjigjet, faji i tij nëse reforma dështon

6 Korrik 2016, 11:20, Aktualitet CNA

Kryetari i Partisë Demokratike, Lulzim Basha, foli pas mbledhjes me aleatët e saj, të cilëve i paraqiti formulën e re të saj për Reformën në Drejtësi. Në një prononcim për mediat, Basha tha se opozita i ka propozuar mazhorancës një formulë të re që zgjidh çështjen e rekomandimit 88 të Venecias.

Sipas tij, mazhoranca nuk i ka kthyer asnjë përgjigje me shkrim ose me gojë për këtë propozim.

?Opozita i ka ofruar mazhorancës rrugën e daljes. Prej 17 ditësh PS e refuzojnë kompromisin, por refuzojnë të paraqesin me shkrim apo me gojë se pse kjo zgjidhje në pikëpamjen e tyre është e papranueshme.? tha Basha

Më tej, kreu i PD theksoi se refuzimi i një pergjigjeje për këtë propozim tregon se Edi Rama nuk e do Reformën ën Drejtësi.

?Sa më shumë mazhoranca futet në llogoret e saj, duke refuzuar zgjidhjet për rekomandimin 88, bëhetë e qartë se Rama nuk e do Reformën në Drejtësi?, vijoi Basha

Ai tha se Rama po bën lojë të dyfishtë ku nga njëra anë i thotë ndërkombëtarëve se është i gatshëm të pranojë cdo zgjidhje për reformën dhje nga ana tjetër nuk i jep opozitës shpjegime për propozimet e bëra. Basha theksoi se nëse reforma dështon do të jetë faji i Edi Ramës.

?Bën lojë të dyfishtë. Ndërkombëtarëve i thotë jam gati të votojë cdo propozim, ndërsa opozitës nuk i jep shpjegime. Nëse Reforma dështon, dështuesi ka vetëm një emër dhe ky është Edi Rama?, u shpreh ai





Lajmet e fundit nga