web counter
LEXO PA REKLAMA!

SHKARKO APP

App Store
Google Play

E fundit!

x

Konfliktet në mazhorancë/ Meta do kokën e Tahirit dhe Ministrin e Brendshëm

5 Korrik 2016, 07:41, Aktualitet CNA

Përplasjet PS-LSI janë kthyer në një ?valle? publike e politikës shqiptare. Dy partitë kryesore të mazhorancës po luajnë fort përballë njëra-tjetrës duke tentuar nga skalionet e tyre ti marrin gjithçka të munden aleatit.

I qartë dhe i vendosur në çdo hap të tij përballë kryeministrit Edi Rama është kreu i LSI-së Ilir Meta. Ky i fundit, prej disa kohësh ka filluar një sulm sistematik dhe të pandalshëm ndaj ministrit të Brendshëm, Saimir Tahiri. Ditët e fundit eksponentë të lartë të saj kanë dalë hapur kundër ministrit të brendshëm dhe kanë aluduar për dorëheqjen e mundshme të tij.

Ilir Meta, në ?betejën? e tij për më shumë pushtet brenda mazhorancës, duke u ndjerë i pasigurt përballë kreut të qeverisë Edi Rama dhe intrigat që vijnë nga ministrat e tij po kërkon me çdo kusht, me çdo lëvizje të tij të rrëmbejë postin e ministrit të Brendshëm pasi të ketë larguar Saimir Tahirin.

Ilir Meta është mjaft i qartë në betejën e tij, duke mos pasur garanci nga kreu i qeverisë, dhe për të qenë sa më i sigurt në zgjedhjet e ardhshme parlamentare, vetëm marrja e postit të ministrit të brendshëm nga LSI-ja, vendosja e një njeriu të besuar të Ilir Metës në këtë pozicion do të qetësonte kreun e Kuvendit dhe do ta mbante atë në qeveri deri në zgjedhjet e ardhshme.

Gjithçka luan Ilir Meta tani është beteja për të rrëmbyer postin e ministrit të Brendshëm, në të kundërt, një largim i tij disa muaj përpara zgjedhjeve parlamentare do të destabilizonte qeverinë e Ramës dhe me tensionet e krijuara nga Reforma në Drejtësi, mund ta çonte vendin në zgjedhje të parakohshme. Ose merr ministrin e Brendshëm ose kalon vendin në zgjedhje të parakohshme. Reforma në Drejtësi, për atë ka kaluar në plan të dytë./citynews





Lajmet e fundit nga