web counter
LEXO PA REKLAMA!

SHKARKO APP

App Store
Google Play

Ekskluzive-Thellohet çarja në qeveri/ "Luftë" Rama-Haxhinasto për fondet në infrastrukturë

2 Korrik 2016, 09:06, Aktualitet CNA

Mbledhja e qeverisë një javë më parë ku ka qenë i pranishëm kreu i saj, si rrallë herë, ka kaluar nën debate të forta dhe tonë të larta.

Mësohet se një përplasje e fortë ka ndodhur gjatë mbledhjes për investimet në infrastrukture. Përplasja ka filluar midis Ministrit të Transporteve Edmond Haxhinasto dhe Ministrit të Financave Arben Ahmetaj.

Debati ka pasur në thelb fondet e qeverisë për infrastrukturën. Por debati është ashpërsuar edhe më shumë me ndërhyrjen e Kryeministrit Edi Rama.

Kreu i qeverise i ka theksuar Haxhinastos se aq ishte fondi që do jepej për rrugët dhe kjo nuk diskutohej më tej.

Mesohet se qeveria nga 22 miliardë lekë të fituara nga privatizimi i INSIG, vetëm 1 miliard do jepet për infrastrukturën, pjesa tjetër do shkojë për ndërtim fasadash dhe rikonstruksion Ministrish.

Burime zyrtare i thanë citynews se Ministri Haxhinasto ka debatuar me tone të larta për faktin se fondi i dhënë ishte i vogel dhe me destinacion të përcaktuar.

Ky fond ishte vetëm për segmentin e Unazës së Madhe në Tiranë, loti Komuna e Parisit-Pallati me shigjeta.

Debati ka qenë i forte dhe gati ka shkuar në fyer dhe sharje.

Por kjo nuk e ka lëkundur Kryeministrin Edi Rama që të ndërhyjë për ndyshimin e alokimit të fondeve.

Përplasja Haxhinasto-Rama është një tjetër sinjal i fortë që tregon se përplasjet në qeveri nuk ndalen.

Pas Ylli Manjanit që punon çdo orë të ditës se si të nervozojë Ramën, tani shtohet edhe Haxhinasto.

Dy ministra të LSI-së, që përplasen me Kryeministrin dhe mësohet se këto debate dhe kundërshti të forta janë dhe shkaku i mungesave të tij të shpeshta me justifikimin e axhendës diplomatike./citynews





Lajmet e fundit nga