web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet ligji i Vetingut/ Ndërkombëtarët kontroll pasurisë së gjyqtarëve

2 Korrik 2016, 07:24, Aktualitet CNA

Hallka që synon të minimizojë korrupsionin në gjyqësor është i shumëpërfoluri vettingu ose skaneri, ku do të kalojnë të gjithë gjyqtarët dhe prokurorët. Ata që do të kalojnë provën do të vazhdojnë karrierën dhe ata që do rezultojnë të lidhur me elementë kriminalë, do të skualifikohen. Dje është zbardhur ligji i vlerësimit të trupës gjyqësore në vend, ku janë parashikuar hapat nëpër të cilat do të kalojnë gjyqtarët dhe prokurorët, dhe komponentët mbi bazën e të cilëve do të bëhet vlerësimi. Ndërkombëtarët, pavarësisht kundërshtimeve nga politika, do të kenë një rol thelbësor në mbledhjen dhe vlerësimin e provave, ndërsa janë 3 komponentët e vlerësimit. Gjyqtarët dhe prokurorët do të vlerësohen për pasurinë, figurën dhe aftësitë profesionale. Dy organet thelbësore që do të japin vendim mbi provat është  Komisioni i Pavarur i Kualifikimit dhe Kolegji i Apelimit. Ligji parashikon që pas deklarimit, ekspertë vendas dhe ndërkombëtarë bëjnë verifikime në terren, të pasurive të luajtshme dhe të paluajtshme, llogarive bankare, brenda dhe jashtë vendit, hyrjet-daljet nga vendi dhe po ashtu verifikim të lidhjeve me persona të tjerë. Në nenin 42 të projektligjit ?Për rivlerësimin kalimtar të gjyqtarëve dhe prokurorëve në RSH?, jepen të gjitha provat mbi bazën e të cilave bëhet vlerësimi i gjyqtarëve dhe prokurorëve.

Prova e parë është formulari i vetëdeklarimit të pasurisë, ndërsa po ashtu pjesë e hetimit do të jenë llogaritë bankare, të dhënat tatimore,bazat e të dhënave mbi automjetet, të dhënat për hyrje?daljet në kufi. ?Me qëllim përcaktimin e gjendjes së fakteve dhe rrethanave që kanë lidhje me çështjen, Komisioni ose Kolegji i Apelimit mund: a) të mbledhë deklarata nga subjekti i rivlerësimit, nga dëshmitarët dhe ekspertët;  b) të marrë dokumente shkresore dhe dokumente të tjera nëpërmjet mjeteve fotografike, të regjistrimit ose mjeteve të tjera teknike; c) të vizitojë dhe të kontrollojë sende të luajtshme ose të paluajtshme bazuar në vendimin e gjykatës kompetente?, thuhet në nenin 42. Rol thelbësor në këtë rol kanë ekspertët ndërkombëtarë. ?Gjetja e paraqitur në formën e deklaratës, dokumentit apo raportit të dhënë nga  vëzhguesi ndërkombëtar përbën provë thelbësore që provon se, një fakt, rrethanë apo standard ligjor ekziston ose ka ndodhur?, thuhet në ligj. Ndërkaq, saktësohet se ekspertët ndërkombëtarë kanë ekses në të gjitha të dhënat dhe dokumentet. ?Komisioni, Kolegji i Apelimit dhe vëzhguesit ndërkombëtarë kanë akses të plotë në të gjitha të dhënat, pranë SPAK-ut?, thuhet në nenin 43./SOT

 





Lajmet e fundit nga