web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria drejt zgjedhjeve të parakohshme

28 Qershor 2016, 18:08, Aktualitet CNA

Vendi po shkon drejt zgjedhjeve dhe kjo pritet të ndodhë nëse palët nuk bien dakord për reformën. Gjasat janë që në shtator Shqipëria të ketë zgjedhje, pasi dështimi i Reformës në Drejtësi çon Kryeministrin Edi Rama në minorancë, fakt që e detyron të çojë vendin në zgjedhje.

Ilir Meta

Kreu i LSI-së duket të jetë lojtar i rëndësishëm në këtë situatë politike. Ai po mbyll negociatat e fundit me Lulzim Bashën dhe dërgimi i shqiptarëve drejt kutive është lojë e tij. Në sondazhe Meta duket më i fortë se në vitin 2013 dhe një situatë e tillë e ndihmon jo pak. Një shkaktar për zgjedhje, Ilir Meta është edhe me ?lojërat? e tij të fundit politike. Ai përjashtoi një nga miqtë e tij më të ngushtë, sponsor jo vetëm politik. Përjashtim që nuk erdhi për disa fjalë, por për të ulur numrat e tij në maxhorancë, dhe për të treguar se nuk ka më numrin e mëparshëm të deputetëve.

Lulzim Basha

Kreu demokrat është në lojën e tij opozitare. Ai gjithmonë gjen një arsye të re për reformën. Bllokues duke përdorur disa rekomandime, ikën nga votimi edhe kur ju ka dhënë fjalën ndërkombëtarëve. Basha me provokimin e zgjedhjeve mund të humbë, por ka shansin ta çojë PS-në në një ulje mandatesh dhe kjo për shkak të humbjes së mbështetjes popullore për kryeministrin Rama. Kjo për shkak të reformave, konçesioneve, pakënaqësisë brenda PS-së, por edhe varfërisë dhe krizës ekonomike në xhepat e shqiptarëve.

Basha po luan politikisht për të provokuar zgjedhje, të cilat gjithmonë i japin shans opozitës. Në fakt Lulzim Basha është ende lideri që nuk ngjit në popull. Nuk është ende alternativa e besueshme për shqiptarët. Ai në një lojë duke rrëzuar Ramën dhe duke shkuar në qeveri me Metën mund të justifikojë sërish humbjen si në zgjedhjet lokale. Ai se ka problem të shpallë fitoren edhe po ti duhet të bëjë Ilir Metën, kryeministër.

Rebelët

Janë deputetët e disa partive të vogla por edhe brenda mazhorancës që janë shprehur kundër reformës në rast se nuk ka konsensus. Grupi i Ben Blushit duket të ketë më shumë se dy deputetë, Eduard Ndocaj, por edhe Vangjel Dule dhe ndonjë deputet i PDIU, të cilët nuk janë japin votë pro reformës pa konsensus.

Të tre faktorët e mësipërm, Meta, Basha dhe rebelet, me një llogari të thjeshtë e çojnë kryeministrin Rama në minimum votash, për më tepër, më pak se 71 vota. Në rast se nuk votohet reforma që me shumë gjasa është duke dhënë shpirt, shtatori e gjen Shqipërinë me zgjedhje të parakohshme./citynews





Lajmet e fundit nga