Taulant Balla rrëfen sherrin me Jamarbër Malltezin

25 Qershor 2016, 10:21, Aktualitet CNA

Deputeti socialist pretendon se është goditur nga koordinatori për mjedisin në PD, Jamarbër Malltezi. Ai ka denoncuar në polici se është dhunuar nga Malltezi në aeroportin e Romës. Deputeti socialist, ka bërë një sqarim në rrjetet sociale për dinamikën e ngjarjes sipas tij.

Ai shkruan se është goditur me grusht nga Malltezi dhe thekson se një prej policëve italianë i kishte rrëfyer se ai i kishte bërë pritë.

Më poshtë, sqarimi i Taulant Ballës për ngjarjen

Një gjë e pazakontë më ka ndodhur dje ne darkë në Aroportin e Romës duke u kthyer nga një vizitë pune. Isha nisur nga Shqipëria në mëngjes herët dhe po kthehesha në të njëjten ditë.

Isha duke kërkuar portën e daljes ?Gate H 28?. Në njërën dorë kisha një çantë dhe në dorën tjetër xhaketën. Në momentin që kaloj pranë një kafeje Lavazza, nga krahu i majtë më vjen një goditje me grusht të një njeriu me kapele, nderkohë që në krahë të djathtë shoh një grua me fustan të kuq që edhe ajo hodhi një hamburger drejte meje. Bëra nje hap mbrapa se duart i kisha të zena dhe aty njoha në fillim gruan që ishte Argita Berisha.

Nuk e kisha pare ndonjehere nga afer, por ia njoh fytyrën. Ndërkohë që shquajta që personi me kapele mund te ishte burri i Argites. I thashe vetem: ?jeni cmendur?? ndërkohë qe të dy bërtisnin vetem fjalen ?qelbesirat?.

Dilemen e kisha te madhe, ne fakt. Të liroja duart, apo të bëja atë që në fakt bëra. Shkova në stacionin më të afërt të policisë në aeroport dhe i njoftova. Në fakt policia italiane mu duk se e kishte parë ngjarjen në kamera, sepse njëri prej policëve më tha se dukej qartë se gruaja dhe burri i gruas të kishin zënë pritë. Nje patrullë e policisë italiane ekzekutoi gjetjen e tyre dhe rregjistrimin e gjeneraliteteve. Të njëjtin kallzim e bëra edhe sapo zbrita ne Rinas. Gjjthcka është kështu dhe është fiksuar në kamerat e sigurisë së aeroportit. Të cmendur, për tu lidhur.