E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Mentor Kikia/ Ju të bëni reformë në drejtësi? Ju i keni bërë gropën Shqipërisë

25 Qershor 2016, 15:12, Aktualitet CNA

Tashmë që reforma në drejtësi po shkon drejt ditës finale, po bëhet edhe më e qartë se ku është meraku i atyre që janë kundër. Sali Berisha e pas tij Jozefina Topalli?, dalë ngadalë, nga frika e kapjes nga Rama, dolën tek frika e kontrollit të emërimeve, pra ai që quhet vettingu, prej të huajve, përfaqësuesve të BE dhe SHBA. Pa vonuar shumë erdhi edhe sinjali i parë nga LSI, një deputet që s?ia kisha dëgjuar emrin asnjëherë. Të dyja palët ankohen se po i cënohet pavarësia shtetit. Ata thonë se reformën mund ta bëjmë vetë ne shqiptarët, ?s?ka pse të na monitorojnë e kontrollojnë të huajt. Nuk e ndajmë pavarësinë?. Padyshim që ju mund ta bëni, ashtu sic e keni bërë deri tani. Për të garantuar një gjyqësor vegël, një gjykatë të lartë produkt pazaresh të tipit Fullani, që garanton vetëm një gjë, paprekshmërinë tuaj, pavarësisht cfarë i bëni këtij populli e këtij vendi.

Në fakt futja e të huajve në procesin e vettingut është garancia e vetme për ne shqiptarët (unë s?kam pikën e besimit as tek PS), që kjo reformë mund të sjellë ndonjë ndryshim.
– Nuk e dini akoma ju o politikanë që shqiptarët nuk kanë më pikën e besimit tek ju?
– Nuk e dini që ata që ju votojnë, ju votojnë vetëm sepse i joshni me vende pune e para në dorë, apo i kërcënoni me bukën e gojës?
– Nuk e dini që ne e dimë që këtij vendi i keni bërë e po I bëni gropën, dhe sa herë bëni gjëmën e radhës flisni në emër të Shqipërisë, atdhetarisë dhe sovranitetit të saj?
– Nuk e dini se përvec Greqisë dhe Serbisë, shqiptarët do të votonin ta shndërronin vendin e tyre në shtetin e 51 të SHBA-së, në landin e 17 të Gjermanisë, provincë të Mbretësisë së Bashkuar (edhe jashtë BE-se), Italise, Frances…vetem e vetëm që të mos qeveriseshin më nga ju?
Dhe tani na flisni për cënim të pavarësisë. Epo neve na pëlqen ky cënim, dhe nëse ua mban, hidheni në referendum. Ne kemi më shumë besim tek një ekspert amerikan, sesa tek presidenti ynë. Kjo është e vërteta jonë.