web counter
LEXO PA REKLAMA!

SHKARKO APP

App Store
Google Play

E fundit!

x

Detaje/ Ja si ndodhi ngjarja dhe masakrimi i 31-vjeçarit në Korçë

25 Qershor 2016, 14:45, Aktualitet CNA

Policia e Korçës njoftoi se kishte arrestuar shtetasin Jurxhin Kulla, 31-vjeç, për kundërshtim ndaj punonjësve të policisë. Citynews mësoi se 31-vjeçari është masakruar nga shefi i antidrogës në Korçë, Buis Hysi. Për këtë arsye, ky i fundit është pezulluar menjëherë nga detyra me urdhër të drejtorit të Policisë në Korçë, Ajet Zyberi.

Ajo që e bën këtë akt edhe më skandaloz është rrjedha e ngjarjeve që çoi në arrestimin dhe dhunimin e 31-vjeçarit.

Burime nga vendngjarja thanë për citynews se shtetasi Jurxhin Kulla ishte duke pirë kafe në një lokal së bashku me disa shokë të tjerë. Pasi ka parë një makinë me ngjyrë të zezë e tipi ?Renault Megane? , e paidentifikuar si makinë policie, Kulla së bashku me miqtë e tij janë frikësuar dhe janë larguar me shpejtësi nga lokali.

Shefi i antidrogës, Buis Hysi, i cili ishte i veshur civil, e ka ndjekur 31-vjeçarin për rreth 50 metra. Më pas ai ka qëlluar me armë në ajër duke detyruar Kullën të ndalojë. Në këtë moment 31-vjeçari është prangosur nga shefi i antidrogës, duke mos bërë rezistencë.

Duket se ky është një akt skandaloz i shefit të antidrogës, Buis Hysi, i cili i veshur civil dhe me një makinë normale (jo policie) ka arrestuar shtetasin 31-vjeçar. Më pas, në ambientet e komisariatit të policisë së Korçës, Hysi ka masakruar 31-vjeçarin, me pretekstin e dyshimtë se ai e ka kundërshtuar pikërisht në komisariat. Kjo është edhe arsyeja se drejtori i policisë së Korçës e ka pezulluar menjëherë shefin e antidrogës.





Lajmet e fundit nga