E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ja çfarë thotë Eduard Ndocaj për Ramën

25 Qershor 2016, 13:05, Aktualitet CNA

Deputeti Eduard Ndocaj, ka vendosur të krijojë një parti të re duke u shprehur se largimi nga Partia Socialiste nuk ka qenë qëllimi i tij.

Në një intervistë për ?Koha Jonë?, Ndocaj shprehet se është përpjekur të përmirësojë marrëdhëniet me kreun e PS-së, Edi Rama, por ky i fundit e dhe disa drejtues në parti e kanë neglizhuar dhe përbuzur.

“Unë, dhashë një leksion demokracie për kolegët e mi duke mos e tjetërsuar mandatin e deputetit edhe pse kisha një marrëdhëniet aspak të këndshme me Ramën, më të cilin nuk isha takuar që nga fitorja e 2013. Këtë gjë e bëra për të krijuar një standard në politikën shqiptare që me sovranitetin nuk ka pazar. U përpoqa në të mirë të votuesve të mirë të përmirësoja marrëdhëniet e mia me Ramën dhe me disa drejtues të PS, por Rama in primis vazhdon të më neglizhonte, të më përbuzte dhe të sillej me menefregizëm. Rasti im do të jetë rasti i parë që një maxhorancë me probleme votash në Parlament çon drejt largimit një deputet të sajin? tha Ndocaj

Më tej, Ndocaj u shpreh se nuk mund të jetë deputet i PS-së vetëm për të ngritur kartonin. Ai tha gjithashtu se në Lezhë nuk ka asnjë llojë përfaqësimi nga PS dhe qytetarët nuk kanë parë ende asnjë investim që nga viti 2013.

?Çdo njeri ka një personalitet të vetin përtej përkatësisë politike e më mirë se kushdo tjetër këtë e kam dëshmuar. Unë, nuk mund të vazhdojë të jem deputet i PS vetëm për të ngritur kartonin. Sot, për sot në Lezhë nuk ka asnjë lloj përfaqësimi PS dhe kjo është një histori e gjatë. Këtu nuk e kam fjalën për karriget që kanë zënë ca individë apo për përfitimet që kanë marrë ca të tjerë, por them se sot për sot socialistët e thjeshtë dhe vetë Lezha nuk kanë parë asnjë lloj investimi konkret që nga 2013. Po ashtu unë kam bërë kritika të shumta për PS-Lezhë e cila edhe sot vazhdon të mos njoh deputetin e PS.?, tha ai

Ndocaj thekson se Rama nuk ka nevojë për atë dhe nuk i dhemb zemra për Lezhën.

?Në këto kushte nuk ka më kuptim të qëndroj, sepse thjeshtë ata dhe Rama in primis sic duket nuk kanë nevojë për Eduart Ndocaj dhe nuk u dhemb zemra për Lezhën. Ne mirditorët e kemi, nëse nuk ka qejf si mik duhet të na respektosh si kundërshtar. Kjo po ndodh edhe me mua në lidhje me Ramën dhe PS…” përfundon Ndocaj