E fundit!

07:52 Kosova & Bota

Pse kancelari Merz ka kaq pak mbështetje?

A nuk po i gjen dot Kancelari fjalët e duhura? Çfarë thonë...

Dalja e Britanisë nga BE/ Mesila Doda: Brexit na mëson të bashkohemi në një Shqipëri

24 Qershor 2016, 10:51, Aktualitet CNA

Deputetja e PDIU-së, Mesila Doda, shprehet se dalja e Britanisë nga BE, na mëson se popullata shqiptare duhet të bashkohet në një Shqipëri të vetme. Sipas saj, duhet krijuar një strategji kombëtare mbarëshqiptare, duke bërë bashkë 7 milionë shqiptarë që ndodhet në treva. Doda thekson se në cdo hapësirë shqipfolëse duhet të përdoret monedha e lekut si dhe një program arsimor i njëjtë.

?A do ndërtojmë një strategji kombëtare mbarëshqiptare NE? A do e kuptojnë më së fundi miopët vendimarrës se nuk shkojmë dot përpara me troje e popullatë shqiptare të copëzuar në feude? Një dhe vetëm një është zgjidhja. Një Shqipëri e vetme me 7 milionë shqiptarë, një monedhë kombëtare, Leku që duhet të fillojë urgjentisht nga përdorimi në gjithë hapësirën shqipfolëse, një program arsimor. Një komb, një shtet, një Shqipëri e vetme?, shkruan Doda

Mesila Doda shkruan se Bashkimi Europian lidni si një bashkim i popujve që ndajnë vlera të njëjta, paqe, solidariteti, respekti ndaj jetës, por u shndërrua në një dërmarje ekonomike të përbashkët. Sipas saj europa e sotme nuk ka asfare fytyrën që i kishin dhënë etërit e saj themelues. sepse ajo u katandis në një korporatë burokratësh njerëzish pa vizion e pa ide që nuk inspirojnë dot kërrkënd.

?Besoj se pikërisht këtu nis një shkallë e madhe moskuptimi i projektit europian. Ai që lindi si bashkim i popujve që ndajnë vlera të njëjta, paqe, solidariteti, respekti ndaj jetës, progresi e ndihme reciproke përfundoi në një ndërmarrje ekonomike të përbashkët, ku i pasuri u bë dhe më i pasur, i varfëri u vafërua dhe më shumë. Europa e sotme nuk ka asfare fytyrën që i kishin dhënë etërit e saj themelues. Ajo u katandis në një korporatë burokratësh njerëzish pa vizion e pa ide që nuk inspirojnë dot kërrkënd. Është pikërisht këtu kriza e sotme e projektit europian dhe nëse nuk ridimensionohen marrëzitë e pushtetit të mëdhenjve që e shohin Europën si lopë për ta mjelë, projekti bëhet nul.?, shkruan ajo.