Skandali me mbeturinat e Spitalit të Korçës/ Maksi i plehrave fiton tendera edhe pse është i kallëzuar penalisht

14 Qershor 2016, 08:12, Aktualitet CNA

Në vijim të denoncimeve lidhur me tenderat pas të cilave dyshohet se fshihen afera korruptive, sot citynews risjell sërish në vëmendje fitimin e procedurave të prokurimeve publike nga Maksim Fejzulla, edhe pse është i kallëzuar penalisht nga Inspektoriati Shtetëror i Mjedisit dhe Pyjeve (ISHMP)

I njohur për qytetarët korçarë si Maksi i plehrave, rezulton të jetë i kallëzuar në organet e drejtësisë në cilësinë e Administratorit të kompanisë ?Korsel? shpk, pasi sipas ISHMP-së, subjekti në fjalë nuk ka respektuar kontratën me Spitalin Rajonal të Korçës për përpunimin e mbetjeve spitalore.

Njoftimi i Inspektoriatit Shtetëror të Mjedisit dhe Pyjeve mban datën 1 Prill të këtij viti.

?Inspektorati Shtetëror i Mjedisit dhe Pyjeve, bazuar në ligjin 10463, neni 52, datë 22.03.2011, ?Për menaxhimin e integruar të mbetjeve?, ka gjobitur në masën 1.5 milionë lekë për kundërvajtje administrative, për moszbatim të rregullores për administrimin e mbetjeve spitalore spitalin rajonal të Korçës. Po ashtu, ka gjobitur po me 1.5 milionë lekë edhe kompaninë e licencuar, e cila ka kontratë me spitalin e Korçës për përpunimin dhe trajtimin e mbetjeve

spitalore, pas konstatimit se kompania ka pasur mbetje të papërpunuara. Nga ana e inspektoratit është proceduar gjithashtu me kallëzim pranë organeve të drejtësisë për administratorin e kompanisë.? thuhej në njoftimin e ISHMP (Pasqyrimi i lajmit nga Agjencia Telegrafike Shqiptare: http://www.ata.gov.al/mbetjet-spitalore-ishmp-15-milione-leke-gjobe-spitalit-rajonal-te-korces/)

Sipas një kërkimi të citynews, rezulton se Maksim Fejzulla ka vijuar të shpallet fitues në tenderat e institucioneve publike, qofshin qëndrore apo lokale, edhe pse ai mund të jetë pjesë e një hetimi nga organet e drejtësisë.

Siç duket më poshtë, Korsel shpk ka vijuar të ketë transferta nga Thesari i Shtetit edhe pas datës 1 Prill 2016.

Në statistikat e siguruara nga citynews, rezulton se kompania nën administrimin e Maksim Fejzulla ka marrë 2.4 milionë lek të vjetra për të larguar mbeturinat spitalore të Spitalit Rajonal Korçë, një shërbim ky që sipas ISHMP-së nuk është kryer.

Nëse llogarisim tranfertat e kryera nga Spitali i Korçës për Korsel shpk, për periudhën duke filluar vitin 2015 të plotë, dhe deri në majin e këtij viti, kompania ka marrë 2,112,720 lekë të reja.

Në ditët në vijim, citynews do të sjellë të tjera fakte lidhur me shpërdorimin e lekët e taksapaguesve korçarë nga një kompani që siç është vërtetuar edhe nga institucione publike, nuk përmbush kontratat e nënshkruara./citynews

Transfertat nga Thesari i Shtetit për Korsel shpk/ Burimi Open Spending Albania

transfertat per Korsel SHPK transfertat2 transfertat3 transfertat4 transfertat5 transfertat6 transfertat7