web counter
LEXO PA REKLAMA!

SHKARKO APP

App Store
Google Play

E fundit!

x

Çudia në Korçë/ Drejtori i taksave bllokon ndeshjet e kombëtares

10 Qershor 2016, 10:09, Aktualitet CNA

Një pronar lokali në Korçë shprehet se Bashkia nuk po e lejon atë të vendosë një ekran në ambientet e jashtme të biznesit me për të ndjekur kombëtaren shqiptare në Euro 2016.

Në denoncimin e tij për  ?Nisma Thurje?, ai shprehet se puna ka rënë ndjeshëm dhe se kampionati Europian mund të sjellë pak më shumë punë.

?Jam nga Korça dhe kam një bar kafe ne pedonalja. Na kane rritur taksat, tarifat e çdo gje. Njerezit leke nuk kane shume e megjithate perpiqemi te mbijetojme. Sot fillon Europiani dhe ne mezi e presim sepse shpresojme te kemi pune dhe ti kenaqim njerezit.?, shkruan ai

Por, sipas denoncuesit nga qyteti i Korçës, drejtori i taksave në Bashkinë e Korçës, Kletjon Kita, i ka dërguar një letër lokaleve në zonën e pedonales, përmes së cilës i ndalon të vendosin ekrane në hapësirën e jashtme ose në të kundërt do të gjobiten.

?Mirepo dje, njefare Kletjon qe eshte drejtor i taksave ne Bashki na von nje leter e na thote se nuk mund te vendosim ekrane jashte e as mund te shtojme tavolina, perndryshe do gjobitemi.?, shprehet denoncuesi

Pronari i lokalit shprehet i habitur për këtë vendim dhe se po favorizohen hapur bizneset e tjera në kurriz të punës së tyre. Ai thekson se Europiani është një mundësi e mirë për shoqërinë për tu argëtuar dhe siç ndodh në Shqipëri, qytetarët mblidhen bashkë për të ndjekur ndeshjet.

?Ku ndodh kjo? Ne cilin vend te botes ndodhin keto cudira? Ku favorizohen kaq hapur bizneset qe duan keta ne kurriz te punes tone? Njerezit mezi e presin ti shohin ndeshjet jashte, me shoqeri e familje, keta nxjerrin urdher mos veme monitor?, përfundon denoncuesi, i cili shpreson se do të gjejë një zgjidhje.
 

 





Lajmet e fundit nga