web counter
LEXO PA REKLAMA!

SHKARKO APP

App Store
Google Play

E fundit!

x

Pajisja e përgjimit/ Basha: Kërkojmë hetim transparent, jo koka “turku”. Rama të largojë Tahirin sa më parë

7 Qershor 2016, 12:02, Aktualitet CNA

Kreu i Partisë Demokratike, Lulzim Basha, ka reaguar sot për pajisjen e përgjimit, për të cilën prokuroria ka nisur hetimet dhe me kërkesën e saj gjykata ka pezulluar Drejtorin e Përgjithshëm të Policisë, Haki Çako, dhe ka dhënë masën e sigurisë ?arrest me burg? për dy zyrtarë të tjerë.

Përmes një konference për shtyp, Basha kërkoi një hetim transparent për këtë çështje dhe jo koka turku.

?Qeverisjen e njëmijë e një skandaleve ka një skandal që del mbi të gjitha. Skandali i përgjimeve që është shkelje e sigurisë të Shqipërisë. Ky skandal që është denoncuar nga opozita, dhe që kemi kërkuar hetim, sot ka dalë në dritë sepse për shkak të hetimit rezultatet e para janë bërë evidentet. Hapa që i inkurajoj, por që nuk janë të mjaftueshme. Kryeprokurori dhe prokurorët, duhet ta dinë qartë që ne nuk pranojmë koka turku për këtë çështje. Nuk do pranojmë që njeriu në kryer të këtij operacioni të pisët të qëndrojë në detyrë?, tha Basha

Më tej, Kreu i PD theksoi se në cdo vend të botës, ministri do të ishte larguar, por kjo nuk ndodh në shtetin e Edi Ramës. Ai ka hedhur dyshime edhe ndaj kryeministrit Rama si person i përfshirë në këtë skandal.

?Në cdo vend që do të kishte ndodhur, ministri do të ishte larguar. Në shtetin e Edi Rmaës, ministri i kapur në flagrancë, jo vetëm nuk ikën, por i bën presion prokurorisë. Kërkojmë transparencë, por Edi Rama i është shmangur përgjegjësisë për të larguar ministrin Tahiri.

Pse e mban Saimir Tahirin, Edi Rama, edhe pse hetimi ka nisur. Kjo nënkupton vetëm diçka, implikimin e kryeministrit në këtë aferë. Nëse është kështu, kryeministri duhet të largohet.

Unë kam dyshime se Rama nuk do ta bëjë këtë sepse i trembet një hetimi të pavarur. Ai ngurron të japë konsensusin për një drejtësi të pavarur.?, u shpreh Basha.





Lajmet e fundit nga