E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famëkeq të Ajatollahëve

Në protestat e zhvilluara prej më shumë se tri javësh në T...

Reagon kreu i PD-së në Durrës/ Enno dhe disa dhunues sulmuan selinë

7 Qershor 2016, 10:47, Aktualitet CNA

Dy ditë pasi selia e Partisë Demokratike në Durrës u sulmua nga sekretari organizativ, Enno Bozdo, i cili shoqërohej nga anëtari i kryesisë Pëllumb Berisha dhe sekretarja Bejana Burgija, ka ardhur reagimi i kryetarit të PD-së në Durrës, Osman Stafa. Burime nga PD e Durrësit thanë se personat e mësipërm janë futur në ambientet e selisë duke shqyer dyert, përfshi edhe atë të kryetarit. Mësohet se pas futjes me dhunë në seli, ku nuk ishte asnjë i pranishëm nga PD-ja e Durrësit, janë ndërruar bravat e dyerve.

Përmes një deklarate për shtyp, kreu demokrat i Durrësit tha se përgjegjësit e sulmit do të mbajnë përgjegjësi. Ai shprehet se nuk do të lejojë askënd të cënojë demokratët e Durrësit dhe të pushtojë selinë e PD-së në Durrës. Ai thekson se personat që sulmuan selinë nuk kanë cilësinë e intelektualit dhe forcën e burrit.

?PD-ja eshte pronë e demokrateve dhe e qytetareve shqiptarë. Ajo nuk eshte placke tregu. Kush e trajton si te tille nuk njeh vlerat e demokratëve. Ne themel te PD-së eshte fjala e lire, shenjtëria e votës. Ne lidhje me absurdin e te dielës te ndodhur ne selinë e PD- dega Durrës përgjegjësit apo dhunuesit do te mbajnë përgjegjësi. Siguroj demokratet dhe qytetaret se nuk do lejoj askënd te cenoj demokratet dhe qytetaret durrsak, selinë e PD-së nuk mundet ta pushtoje askush, aq me pak personat qe nuk kan as kohezionin politik as vlerën e qëndrestarit as cilesinë e intelektualit dhe aq me pak forcen e burrit?, shprehet Stafa

Më tej, në reagimin e tij, Stafa i ka bërë thirrje qytetarëve demokratë në Durrës të kontrollojnë reagimet dhe zemërimin që sipas tij është i ligjshëm. Ai nënvizon se qëndrsa, qetësia dhe vlerat që ata kanë do të jenë në shërbim të PD-së dhe jo tërheqja siç mundohen të mendojnë apo ëndërrojnë disa persoan, që sipas tij nuk kanë lidhje me PD-në.

?Ju drejtohem demokrateve dhe qytetareve te kontrollojnë reagimet dhe zemërimin e ligjshem. Qendresa, qetësia dhe vlerat qe ne mbarim do te jen ne sherbim te PD-s dhe jo terheqja sic mundet te mendoj apo ëndërrojnë disa individ qe nuk kanë lidhje me PD pervec interesave personale. PD-ja eshte e demokrateve, Ne te gjith bashke kemi kaluar beteja shumë me te veshtira. Beteja jon eshte me Edvin Ramen?, shprehet Stafa

Kreu i PD-së në Durrës, ka bërë me dije se ditën e nesërme do të takohet me kreun demokrat Lulzim Basha. Ai shprehet se pas takimit aksioni i tyre do të jetë në shërbim të PD-së.

?Neser kam nje takim te konfirmuar me Z. Basha. Pas takimit dhe ne funksion te qendrimeve do te vijoj aksioni yne ne sherbim te PD-s.?, shprehet Stafa