web counter
LEXO PA REKLAMA!

SHKARKO APP

App Store
Google Play

Takimi Rama-Basha bllokon Kuvendin/ Pezullohen punimet në komisione

7 Qershor 2016, 06:42, Aktualitet CNA

Takimi i shumëpritur mes kryeministrit Edi Rama dhe kryetarit të opozitës, Lulzim Basha, është pritur me kureshtje të madhe, jo vetëm nga opinioni publik, por edhe nga vetë Kuvendi. Ka qenë pikërisht takimi mes dy liderëve që ka bërë që dje të mos zhvillohet asnjë veprimtari tjetër në Kuvend.

“Sot” shkruan se zakonisht, çdo të hënë zhvillohen punimet e komisioneve të ndryshme parlamentare, por dje në fokus ka qenë takimi Rama-Basha, i cili me apo pa dashje ka bllokuar funksionimin normal të Kuvendit. Vëmendja dhe pritshmëritë për këtë takim kanë qenë maksimale, dhe kjo konfirmohet nga fakti se grupet parlamentare të tre forcave politike kryesore në vend, PS, PD dhe LSI, kanë qenë të angazhuara maksimalisht në axhendën e diskutimeve mes Lulzim Bashës dhe Edi Ramës. Madje dhe dje për të parën herë nuk pati akuza politike.

Reforma në drejtësi ka qenë në axhendën e komisionit të reformës në drejtës në Kuvend për një kohë të gjatë, por palët e patën të pamundur të gjenin një dakordësi për draftin final, ndaj për këtë arsye takimi i niveleve të larta ishte i pashmangshëm. Jo vetëm grupet parlamentare, por edhe administrata e Kuvendit ka qenë e angazhuar për mbarëvajtjen e takimit, edhe pse ai u zhvillua në ambientet e Pallatit të Kongreseve. Javën e kaluar, Partia Demokratike nuk ka marrë pjesë në asnjë nga komisionet parlamentare për shkak të pezullimit me 10 ditë të ish-kryeministrit Sali Berisha nga Byroja e Kuvendit, për shkak të fjalorit të përdorur në seancë. Gjithsesi, këtë javë PD-ja pritet që këtë javë të jetë e pranishme në komisione, pasi afati prej 10 ditësh i pezullimit të Berishës përfundon pikërisht ditën e mërkurë.

Sa i përket kalendarit të punimeve të komisioneve parlamentare, kanë qenë të planifikuara diskutime mbi projektligje të ndryshme siç është ai i ?Marrëveshjeve publike në Republikën e Shqipërisë?, por edhe komisione hetimore, siç është ai i CEZ. Këto çështje pritet të diskutohen në komisionet parlamentare gjatë kësaj jave në vazhdim.





Lajmet e fundit nga