web counter
LEXO PA REKLAMA!

SHKARKO APP

App Store
Google Play

E fundit!

x

Nga Kreshnik Spahiu/ Agjerimi përjetshëm shqiptar dhe akshami pas takimit Rama-Basha

6 Qershor 2016, 20:24, Aktualitet CNA

(Mos)marrveshja Rama-Basha u shfaq në ekran pas dy orësh pritje. Ishte një pritje e gjatë dhe të gjithë ishin të gozhduar me sy e vesh nga televizorët por edhe nga tavolina.
Kishin uri politike por edhe biologjike. Prisnin me orë të tëra, prisnin me shpirtin dhe barkun bosh.
3 vjet mëkate duke mashtruar një popull të uritur dhe etur për drejtësi.
Reformë duke (de)formuar. Kërcënime që mëkatarët do votojnë me ndihmën e super-fuqive rrëmbimin e drejtësisë.
Papritmas në ekran doli Rama dhe deklaroi se me kërkesën e vëllezërve amerikan dhe europian u detyrua të dal në koferencë shtypi dhe të kërcënoj.
Mijëra mendje ishin të boshatisura nga shpresa për paqe dhe mijra barqe ishin bosh nga sakrifica për agjerim.
Çasti erdhi, por kur PD dhe PS u shfaqën me doreza boksi në ekran thirr Ezani (20:17pm) për të kujtuar se iftari i parë në muajin e sakrificës kishte trokitur.
Të gjithë vrapuan tek tavolina duke braktisur ekranet sepse kuptuan që uria politike s’do na ndahet përjetësisht. Tavolinat u mbushën për të falenderuar krijuesin dhe jo dhunuesin. Pazari i tyre do të ishte harram por fal zotit nuk ndodhi.
Pa fijen e tolerancës, pa kurrë-farë harmonie, Krye-dhunuesi sot shantazhoi një komb se të enjten së bashku me tufën e kriminelëve që u ka shitur karriket e parlamentit me 2 milion euro do votoj pa konsensus marrjen peng të gjykatave dhe prokurorisë.
U tërhoq nga frika prej idesë së zgjedhjeve të parakohshme sepse ai kish frikë edhe nga zgjedhjet në parti dhe jo më të rivotohet në popull.
Delironte duke shpresuar se ai është misionari dhe ai është gjykuesi.
I pabesë dhe i pafe doli në orën e akshamit për të paralajmëruar errësirën ku po fut një popull që ka një jetë që agjëron dhe është i uritur për pak dritë.
O Zot i madh, pengoje në udhën e tij të çmendur
AMIN





Lajmet e fundit nga